E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Veliaj kundër drejtësisë/ Depoziton padi për shkarkimin e prokurorit që e heton

23 Janar 2026, 09:41, Aktualitet CNA

Kryetari i Bashkisë së Tiranës, Erion Veliaj, ka zgjedhur të sulmojë drejtësinë, në vend që të përballet me akuzat që rëndojnë mbi të. I akuzuar për 13 akuza të rënda nga SPAK-u, Veliaj bën lëvizje të pashpresa që tregojnë edhe njëherë frikën e tij për t’u përballur me drejtësinë.

Ai ka depozituar në Gjykatën Administrative të Shkallës së Parë një padi kundër prokurorit të Posaçëm, Ols Dado, i cili ka hetuar dosjen ndaj Veliajt dhe bashkëshortes së tij, Ajola Xoxa, duke kërkuar shkarkimin e Dados dhe shpalljen e emërimit të tij të paligjshëm.

Veliaj kundër drejtësisë/ Depoziton padi për shkarkimin e

Veliaj thotë në padi se Dado nuk ka plotësuar kriteret ligjore për t’u bërë prokuror në vitin 2008, megjithëse duhet theksuar se Dado ka kaluar me sukses të gjitha shkallët e vetingut dhe emërimi i tij është vlerësuar i ligjshëm nga institucionet përkatëse.

Prokurori Olsi Dado kalon Vettingun/ Kreu i Dekriminalizimit në Prokurorinë e Përgjithshme, konfirmohet në detyrë
3 Nëntor, 10:22

Kjo padi duket më shumë si një përpjekje për të diskredituar prokurorin dhe për të frikësuar drejtësinë, sesa një shqetësim real ligjor.

Veliaj, si kamikaz ndaj drejtësisë
25 Dhjetor, 13:22

Në këtë mënyrë, Veliaj përpiqet të zhvendosë vëmendjen nga hetimi i tij për korrupsion dhe pastrim parash, duke sulmuar prokurorin që po e heton. Në padi thuhet se të gjitha veprimet e kryera ndaj tij, përfshirë masat e sigurisë dhe kufizimet ndaj mandatit të tij, mbështeten mbi një akt emërimi që ai e konsideron “nul ab initio” (i pavlefshëm nga fillimi).

Kjo duket si një manovër politike e kryebashkiakut, synon me çdo formë të zvarrisë seancat gjyqësore, vetëm e vetëm sepse nuk ka guximin që të përballet me drejtësinë dhe me akuzat që rëndojnë mbi të. Prej 6 muajsh që dosja e kryebashkiakut ka shkuar për gjykim, ai po i shmanget drejtësisë me taktika tashmë të lexueshme.

Erion Veliaj nuk do që të gjykohet
19 Janar, 19:40

Vendimi i Veliajt për të synuar shkarkimin e Dados tregon më shumë për frikën e tij nga përgjegjësia penale, sesa për një problem real me ligjin.

Në fakt, Veliaj sulmon vetëm Ols Dadon, por harron se çështja hetimore ndaj tij ka dy prokurorë, dhe duket se ai ka tmerr të përmendë emrin e prokurorit tjetër që po e heton, Altin Dumani. Kjo e bën qartë se veprimet e kryebashkiakut janë lëvizje të pashpresa, të drejtuara nga frika për t’u përballur me drejtësinë. /CNA