web counter
LEXO PA REKLAMA!

SHKARKO APP

App Store
Google Play

"1 në 2 shqiptarë të larguar"/ Këlliçi: Shqipëria kryeson me diferencë të madhe çdo shtet tjetër

29 Janar 2026, 12:50, Aktualitet CNA

"1 në 2 shqiptarë të larguar"/ Këlliçi:

Deputeti i Partisë Demokratike, Belind Këlliçi, ka reaguar përmes një postimi në rrjetet sociale lidhur me shqiptarët e larguar nga vendi.

Këlliçi shprehet se sipas publikimit të Eurostat, Shqipëria kryeson me diferencë të madhe çdo shtet tjetër për të larguarit nga vendi.

Deputeti shton, ndër të tjera, se vendi po shkretohet prej qeverisjes së keqe, hajdutërisë dhe lidhjeve me krimin. Sipas tij, zgjidhja për ndalimin e largimit të shqiptarëve është protesta kundër regjimit.

Postimi i plotë:

Largohet 1 në 2 shqiptarë, Edi Rama punon të mbajë vetëm Belindën dhe Mirlindën!

Sipas publikimit të fundit të Eurostat, Shqipëria kryeson me diferencë të madhe çdo shtet tjetër për të larguarit nga vendi.

Duke marrë në konsideratë rezidentët në BE, Eurostat konkludon se Shqipëria ka 466 emigrantë për 1 mijë banorë.

Pra pothuajse 1 në 2 vetë!!!

Si shpjegohet që bashkëqytetarët tanë janë në këtë eksod masiv, kur Edi Rama dhe elisat e tij thonë se Shqipëria po shkëlqen dhe është në një majë të panjohur më parë.

Të vërteten e tregojnë njerëzit me këtë largim dramatik.

Vendi po shkretohet prej qeverisjes së keqe, hajdutërisë dhe lidhjeve me krimin. Kur ligjin e bën Gysi që siguron verën 33 mijë euro për Palloshin, kur Rama thotë se korrupsioni është gjë normale, atëhere ke përzënë qytetarët.

Por e rendësishme është të mbajmë këtu të pandehurën Belinda, dhe të mos lejojmë hetimin e saj.

Sheshi, protesta, revolta është zgjidhja e vetme.

Vetëm largimi i Edi Ramës e ndalon këtë hemoragji të dhimbshme. /CNA





Lajmet e fundit nga