web counter
LEXO PA REKLAMA!

SHKARKO APP

App Store
Google Play

"Marrëdhënia me zyrën është përmes e-Albania"/ Ministri Demo flet për zhvendosjen e Kadastrës së Vlorës në Tiranë

28 Janar 2026, 20:42, Aktualitet CNA

"Marrëdhënia me zyrën është përmes

Ministri i Shtetit për Pushtetin Vendor, Ervin Demo ka folur ditën e sotme lidhur me zhvendosjen e Kadastrës së Vlorës në kryeqytet.

Në një dalje televizive, Demo tha se Vlora po i shtohet Shkodrës, Durrësit dhe Vorës që tashmë janë në Tiranë. Ministri u shpreh ndër të tjera se marrëdhënia me zyrën e Kadastrës nuk është më te sportelet fizike por online përmes portalit e-Albania

“ASHK ose Kadastra në tërësi është një nga sfidat më të mëdha që ne kemi nga pikëpamja institucionale në territor. Kuptohet që ndër vite ne kemi konstatuar që vetë agjencia në tërësi ka filluar të marrë nisma që bazohen më shumë në teknologji. Sepse sot marrëdhënia me zyrën e Kadastrës nuk është më te sporteli, por është nëpërmjet portalit. Dhe një pjesë e mirë e shërbimeve që ofrohen sot, nuk ofrohen detyrimisht nga njerëz që janë në territor në Vlorë. Agjencia ka qasjen e vet përsa i përket shërbimeve në zona të caktuara, por duhet të kuptojmë që në Tiranë sot ndodhen Shkodra, Vora, Durrësi dhe tani është shtuar edhe Vlora. Këtu futet edhe roli i Bashkisë që të jemi të sinqertë.

Kur flasim për digjitalizimin e shërbimeve dhe duhet të kuptojmë që në 2026 që unë nuk e përmenda, do të futemi në një proces të digjitalizimit të shërbimeve në nivel vendor. Në nivel vendor Bashkia në mënyrë kapilare duhet të përdorë strukturat e veta për t’i ardhur në ndihmë qytetarëve, për të marrë shërbime të caktuara. Nëse unë kthehem pas në kohë, kur E-Albania filloi në fillim, ne kemi vënë në dispozicion të gjitha zyrat që kanë pasur bashkitë dhe njësistë administrative, për të gjithë ata që kishin mungesë njohurish për përdorimin e sistemit. Dhe unë jam shumë i bindur që nuk mund të krijojmë sisteme që përjashtojmë”, u shpreh ministri Demo. /CNA





Lajmet e fundit nga