web counter
LEXO PA REKLAMA!

SHKARKO APP

App Store
Google Play

Veliaj nuk heq dorë nga inceneratorët: Ju shkuat me tanga të paguani 122 milionë lekë, ne do shkojmë me kostum

15 Shtator 2023, 17:35, Aktualitet CNA

Veliaj nuk heq dorë nga inceneratorët: Ju shkuat me tanga të

Kreu i Bashkisë Tiranë është i vendosur në vijimin e pagesave për djegësin e Tiranës. 

Ai ka nxjerrë një tabelë në mbledhjen e sotme të Këshillit Bashkiak ku tregohet se Bashkia e Kavajës ka paguar 122 milionë lekë për inceneratorët.

Veliaj u shpreh se ata një shifër e tillë është një bombë për opozitarët por edhe Tirana duhet të vijojë të jetë më e pastër.

Madje kryebashkiaku u shpreh se ata vajtën me rroba banje në Kavajë për të paguar ndërsa 'ne do të shkojmë me kostum'.  

“Kjo këtu që shikoni ju është Bashkia e Kavajës. Bashkia e Kavajës më 22 gusht ka paguar për incineratorin 122 milionë lekë. Bashkia e Kavajës që e drejtojnë këta. Këta thonë në Kavajë do ta bëjmë pastrimin. Këta janë ca hipokrit që flasin gjithë ditën dhe kanë vajtur të parët të paguajnë lekët sepse Kavajën nuk duan ta lënë pis. Në Tiranë duan ta lënë pis. Ja ku e keni bashkinë e Kavajës. Është turp që quna e djem të rinj japin fytyrën e Berishës  e Metës. Në të vetmen bashki të që drejtojnë në 22 vajtën e paguan. Nuk ka gjë pa lekë. Vajtën në mes të verës paguajtën 122 milion lekë. Bashkia e Tiranës është më e pastër se zhuli që latë ju, është sot qyteti më I pastër në ballkan. Vajtët latë pushimet dhe paguat inceneratorin e landfillin për kavajën që e drejtoni vetë.  Tirana do të vijojë të jetë qyetti më më ipastër në Ballkan. Ju ra si bombë kjo e Kavajës. Vajtët me rroba banje të paguani në Kavajë.

Opozitarët kanë kërkuar që ai të japë shpjegim për inceneratorër. 

"Sqaro inceneratorët zotëri!", tha Endrit Braimllari. 

"Si Kavaja, si Kavaja! Siç e bëtë në Kavajë, siç vajtët me tanga, me reçipeta, me rroba banjo në 22 gusht ta paguanit, tani ne që jemi veshur me kostum do shkojmë ta paguajmë, sepse nuk mund ta lëmë Tiranën në dorë të zhulsave, kjo është pak, por e sigurt.", tha Veliaj/ CNA





Lajmet e fundit nga