web counter
LEXO PA REKLAMA!

SHKARKO APP

App Store
Google Play

Udhëtimi i Ramës dhe Begaj në OKB/ Berisha: Më i kushtueshmi, paguhet me buxhetin e shqiptarëve

18 Shtator 2023, 12:27, Aktualitet CNA
Udhëtimi i Ramës dhe Begaj në OKB/ Berisha: Më i
Ish-kryeministri Sali Berisha

Ish-kryeministri Sali Berisha gjatë një deklarate për mediat ka folur për minimumin jetik si dhe ka shigjetuar kryeministrin Edi Rama dhe Presidentin Bajram Begaj.

Berisha u shpreh se, udhëtimi në OKB i Ramës dhe Begajt do të jetë një nga më të kushtueshmit që do të paguhet nga buxheti i qytetarëve.

Ish-kryeministri ka bërë thirrje ndaj qytetarëve që të ushtrojnë presion të madh ndaj deputetëve në mënyrë që të votojnë në emër të interesave jetikë të shqiptarëve në nevojë, ligjin për minimumin jetik.

“Mos harroni se udhëtimi për në OKB i Edi Ramës dhe presidentit të vendit, do të jetë njëri nga udhëtimet më të kushtueshme të përfaqësuesve të një shteti.

35 veta ndodhen në delegacionet e tyre në Nju Jork.

Një numër i tillë i madh është më i pazakonti dhe do të thotë, po të keni parasysh se Edi Rama refuzoi të pranojë në Ismailin e tij, delegacionin e kryetarit të shtetit, do të thotë një shpenzim gjer në gjysmë milionë euro nga buxheti i qytetarëve.

Po ky është vetëm njëri aspekt.

Vjedhjet e tyre janë të përditshme dhe të pafundme.

U bëj thirrje qytetarëve të ushtrojnë presionin më të madh ndaj deputetëve, në mënyrë që të votojnë në emër të interesave më jetike të shqiptarëve në nevojë, ligjin për minimumin jetik”, tha Berisha./ CNA





Lajmet e fundit nga