web counter
LEXO PA REKLAMA!

SHKARKO APP

App Store
Google Play

Tensionet dhe përplasjet në Kuvend/ Artan Fuga: Tre arsye pse ndjej trishtim

6 Nëntor 2023, 17:46, Aktualitet CNA

Tensionet dhe përplasjet në Kuvend/ Artan Fuga: Tre arsye pse ndjej

Akademiku Artan Fuga ka komentuar zhvillimet e fundit në Kuvend, ku mes opozitës dhe mazhorancës ka patur tensione deri në përplasje fizike.

Gjatë një interviste akademiku ka treguar tre arsye pse ndjen trishtim për situatën në të cilën ndodhet sot demokracia shqiptare.

Fuga thekson se presin që parlamenti të jetë funksional dhe jo me dyer të mbyllura, e dyta është që ka një pushtet por jo një opozitë dhe e treta kemi një opozitë që ka gjetur zgjidhjen tek veprimi trupor.

“Doja të shprehja një trishtim për tre arsye kryesore. E para, sepse ne si qytetar presim një parlament funksional, që të hapi dyert për qytetarët, grupimet shoqërore. Ndërkohë, ne shikojmë bllokime, hekura, dyer të mbyllura, një lloj presioni fizik trup më trup. Trishtimi i dytë është për këtë lloj situate në të cilën ndodhet demokracia shqiptare.

Fakti pranohet nga të gjithë që në Shqipëri, ka një pushtet por nuk ka një opozitë. Një shoqëri ku ka një pushtet por s’ka një opozitë, pra nuk ka asnjë hapësirë që opozita të ketë ndikim mbi kontrollin qeveritar, bërjen e ligjeve, pra nuk sjell asgjë si efekt veprimi kuptohet që është një pushtet ku roli i opozitës është i pandjeshëm.

Së treti, shikojmë një opozitë që si gjetjen më të madhe ka gjetur veprimin trupor, fizik. Sigurisht edhe pozita mund të ketë argumentimet e veta. Aksioni opozitar është rrudhur me lojëra me karrige dhe kapërcim gardhesh”, është shprehur ai./ CNA





Lajmet e fundit nga