web counter
LEXO PA REKLAMA!

SHKARKO APP

App Store
Google Play

Standardi Ahmetaj “fundos” dy ish-ministra të tjerë të Edi Ramës

28 Shtator 2023, 17:48, Aktualitet CNA
Standardi Ahmetaj “fundos” dy ish-ministra të tjerë
Fotomontazh - Damian Gjiknuri dhe Ilir Beqaj, në sfond SPAK

Standardi i vendosur nga kreu i SPAK, Altin Dumani, në lidhje me ish-zv.kryeministrin Arben Ahmetaj po zbatohet tashmë edhe për dy ministrat e tjerë të kryeministrit Rama, zotin Ilir Beqaj, i cili akuzohet për disa koncesione në shëndetësi dhe për zotin Damian Gjiknuri, ish-ministrin e Energjetikës dhe Infrastrukturës.

Sipas deklarimeve të Dumanit, është vendosur një standard, pra hetohet korrupsioni dhe më pas bëhet hetim pasuror për të gjetur ku kanë shkuar paratë.

CNA, pak kohë më parë, në një shënim ngriti pyetjen se a do të ketë një hetim pasuror për Ilir Beqajn, pra të njëjtin standard siç është ndjekur për ish-zv.kryeministrin.

Dhe qartazi kemi qenë në të njejtën linjë me Altin Dumanin, se nuk mund të ketë dy standarde në SPAK, një ministri t’i hetohet pasuria dhe një tjetri jo.

Ndaj edhe sot Dumani dha përgjigjen e prerë, standardi është vendosur. Jo vetëm të kontrollohet procedura, korrupsioni apo akuza për korrupsion, por edhe hetimi pasuror, fshehja e pasurisë, etj.

Pra, sot Altin Dumani konfirmoi atë që ne kishim shkruar dhe tha vendosjen e një standardi, atë që filloi me ish-zv.kryeministrin Arben Ahmetaj. Tashmë me kontrollet e pasurive dhe hetimet e bëra ndaj Ilir Beqajt dhe Damian Gjiknurit, duket se një situatë më e rënduar është për këta personazhe politikë.

Zoti Beqaj, i akuzuar për lidhje me kompaninë e tij, por edhe pasuri të tjera, por hetimet pasurore janë thelluar edhe për Damian Gjiknurin, pasi dyshohet se të dy ish-ministrat e Ramës të kenë pasur përfitime nga kontratat koncesionare, nga individët e tyre, pasuritë e ndryshme të fshehura e të padeklaruara, pa shkuar më tej në faktin se shumë nga ministrat kanë udhëtuar, kanë shpenzuar para apo kanë fjetur nga pagesat e bëra nga biznesmenë të ndryshëm dhe këto thjeshtë dhe vetëm presim verifikimin e plotë pas letërporosive dhe informacioneve të siguruara nga SPAK.

Tashmë standardi i vendosur nga SPAK dhe Altin Dumani në lidhje me hetimet e ministrave apo zyrtarëve të lartë që hetohen për korrupsion, duket se do të prekë jo vetëm Ilir Beqajn dhe ish-kolegun e tij Damian Gjiknuri.

Në radhë janë edhe disa ish-ministra të Ramës, në mënyrë specifike, ish-ministrja e Mbrojtjes dhe e Jashtme, Olta Xhaçka e cila është gjithashtu përfituese edhe e një statusi të një investitori strategjik nga qeveria shqiptare për familjarët e saj./ CNA





Lajmet e fundit nga