web counter
LEXO PA REKLAMA!

SHKARKO APP

App Store
Google Play

E fundit!

x

Nisin shpronësimet për rrugën lidhëse me aeroportin e Vlorës/ Banorët do të kompensohen nga qeveria

28 Shtator 2023, 17:09, Aktualitet CNA

Nisin shpronësimet për rrugën lidhëse me aeroportin e

Qeveria ka shpronësuar pronarëve e pasurive të paluajtshme që preken nga realizimi i projektit “ndërtim rruga lidhëse e aeroportit ndërkombëtar të Vlorës (Via), autostrada Fier – Vlorë”.

Vendimi është marrë në mbledhjen e sotmë të Këshillit të Ministrave. Shpronësimi bëhet në favor të Autoritetit Rrugor Shqiptar.

Pronarët e pronave private që shpronësohen, do të kompensohen për pasuritë e llojit “arë” dhe “truall”, me një vlerë të përgjithshme prej 957 852 (nëntëqind e pesëdhjetë e shtatë mijë e tetëqind e pesëdhjetë e dy) lekësh.

Vlera e përgjithshme e shpronësimit, do të përballohet nga buxheti i shtetit, ndërsa vlera e shpenzimeve procedurale, në masën 50 mijë lekë do të përballohet nga Autoriteti Rrugor Shqiptar.

Afati i përfundimit të shpronësimit është brenda 3 muajve nga data e hyrjes në fuqi të vendimit.

Pronarët e pasurive të paluajtshme do të kompensohen, për efekt shpronësimi, pasi të kenë paraqitur dokumentacionin justifikues për likuidim pranë Agjencisë Shtetërore për Shpronësimin.

Për zbatimin e këtij vendimi janë ngarkuar Ministria e Infrastrukturës dhe Energjisë, Autoriteti Rrugor Shqiptar, Agjencia Shtetërore e Kadastrës, Drejtoria Vendore Vlorë, Drejtoria e Administrimit dhe e Mbrojtjes së Tokës pranë Këshillit të Qarkut Vlorë dhe Agjencia Shtetërore për Shpronësimin./ CNA





Lajmet e fundit nga