web counter
LEXO PA REKLAMA!

SHKARKO APP

App Store
Google Play

E fundit!

x

Si përfitoi 8 tenderë nga UKT-ja kompania e drejtorëve të Veliajt

1 Prill 2024, 12:33, Aktualitet CNA

Si përfitoi 8 tenderë nga UKT-ja kompania e drejtorëve të

CNA ka siguruar dosjen hetimore për drejtorët e arrestuar të Bashkisë së Tiranës, ku të tregohet me prova dhe dokumente se si Redi Molla, Mariglen Qato apo edhe Elton Kacidhja favorizonin kompaninë "5D" në dhënie tenderësh. 

Në vitin 2016, Redi Molla ka mbajtur detyrën e drejtorit të Ujësjellësi Kanalizimeve Tiranë, ndërsa Mariglen Qato është emëruar drejtor i Departamentit Mbështetës pranë UKT-së. 

Sipas SPAK-ut, duke filluar nga viti 2016 deri në 2018, kompania "5D" ka përfituar një sërë tenderësh nga UKT-ja. Theksohet se tenderët janë fituar teksa Qato ka qenë kreu i UKT-së, ndërsa Qato ka mbajtur pozicionin e kryetarit të Vlerësimit të Ofertave. Në lojë ka hyrë edhe Elton Kacidhja, si titullari i autoritetit kontraktor. 

Kompania "5D" më herët është titulluar "Igor sh.p.k." dhe më pas "VAS konstruksion sh.p.k.". 

Tenderët e përfituar nga kompania "5D": 

-"Ndërtim depo uji Daias 200 m³", me fond limit 5,081, 302 lekë. Në këtë procedurë kanë marrë pjesë 5 operatorë ekonomikë, por tenderi u mor nga "Igor Elektrik sh.p.k", emri i mëparshëm i kompanisë "5D" dhe "Kola Invest". Edhe pse nuk plotësonte kriteret e kualifikimit, si aktivitet të qëndrushëm financiar, apo edhe të ardhura shumë të ulëta në krahasim me vlerën e përfituar nga tenderi, këto kompani kryesuan në garë. 

-"Restaurimi i kolektorit të Ujërave të Zeza në rrugën 'Myslym Shyri' dhe rikonstruksion Ujësjellësi", me fond limit, 10, 256, 562 lekë. Në këtë tender të vitit 2017, kanë marrë dy operatorë ekonomikë, "Bahas Avduli" dhe bashkimi i operatorëve "Rey dhe Igor Eletrik sh.p.k". Fituese u shpall Rey dhe Igor Eletrik sh.p.k." edhe pse me një sërë shkeljesh. 

-"Ndërtim rrjet Ujësjellës, rruga 'Sulejman Pasha' dhe rruga 'Ded Gjo Luli'", me fond limit 14,788, 849 lekë. Në këtë garë fiktive të shkurtit të 2017, kanë marrë pjesë katër operatorë ekonomikë "Ignor Elektrik" dhe "Kola Invest", si dhe operatorët "Vuthaj", "England" dhe "Çaushi" sh.p.k. Tenderi u fitua me një sërë procedurash në shkelje nga "Ignor Elektrik" dhe "Kola Invest". 

-"Rikonstruksion dhe rrethimi i stacioneve të pompimit dhe depove të ujit në ujësjellësa rajone Faza II", me fond limit 37,002,844. Në garë morën pjesë 4 operatorët ekonomikë, por tenderi u fitua nga "Rruga Ura Aslaltim numër 2 Tiranë", "Igor sh.p.k." dhe "Delia sh.p.k.".

-"Rikonstruksion rrjet Ujësjellësi nga stacioni i pompimit Kroi deri te depoja e Çokollatës" me fond limit 7, 922, 425 lekë. Në garë për këtë tender gusht të 2018 kanë marrë pjesë dy operatorë ekonomikë, bashkimi i operatorëve "Igor sh.p.k." dhe "Kola invest" si dhe "Eurondërtim 2000". Kompania e fundit u skualifikua nga gara. 

-"Rikonstruksion i katër linjave të transmetimit Dj 426 mm çelik nga HEC Lanabregas-takimin m tub Dn 700 mm çelik". Tenderi i gushtit 2018, u fitua nga "Kola invest dhe "Igor Elektrik". Sipas kontratë kompania e fundit do të kryente 40% të punimeve. 

-"Ndërtim rrjet kanalizimi Rruga e Durrësit" me fond limit 144, 987,028 lekë. Tender u fitua nga "VAS shpk-Beis sh.p.k." dhe "Meteo sh.p.k.". Nga hetimet e SPAK-ut ka rezultuar se janë shkelur të gjitha procedurat e tenderimit. 

-"Rikonstruksion ujësjellësi rruga 'Aleksandër Moisiu'", me fond limit, 42,059, 620 lekë. Në tenderin e shtatorit 2020 kanë marrë pjesë 14 operatorët ekonomikë. Tenderi është fituar nga "VAS konstruksion sh.p.k." dhe Senka sh.p.k.". /CNA 

 





Lajmet e fundit nga