LEXO PA REKLAMA!

SHKARKO APP

App Store
Google Play

"McGonigal", reagon ashpër anëtarja e Këshillit Kombëtar të PD-së/ Dizdari: Po manipulohet e vërteta

2 Shkurt 2023, 09:07, Aktualitet CNA

"McGonigal", reagon ashpër anëtarja e Këshillit

Anëtarja e Këshillit Kombëtar të PD-së, Fjoralba Dizdari, ka reaguar pas publikimit të një fotoje, ku është edhe McGonigal.

Dizdari ka sqaruar rrethanat kur është bërë fotoja me ish-agjentin e FBI-së.

“Për sqarim të opinionit publik, kjo foto është e datës 16 nëntor, e 5 viteve me parë, ku unë dhe ish-partneri im, po darkonim për ditëlindjen time.

Pranë tavolinës tonë ishte një mik i joni me partneren e tij, të cilët na u bashkuan në mbrëmje.

Në përfundim të darkës, nëpërmjet një të njohurit tonë, na ftuan të dy çifteve për një pije dhe aty u prezantuam me zyrtarin e huaj.

Kjo foto është bërë me insistimin e tyre dhe pranuam pa asnjë kompleks.

Tavolinës i’u shtuan zyrtarë të Partisë Socialiste dhe ne nuk ndejtëm gjatë dhe u larguam. Ka qënë hera e parë dhe e fundit që unë jam takuar me këtë njeri, ndryshe nga zyrtarë të lartë të qeverisë Rama”, sqaron Dizdari në rrjetet sociale.

Ajo mohon të ketë qenë e përfshirë ndonjëherë në interesa financiare me personat në fjalë, as si shtetase shqiptare, as si pjesë e Partisë Demokratike dhe asnjë aludim i këtij lloji.

“Propaganda dhe lojrat e qeverisë, nuk mund të fshijnë aferat e tyre me lajme si kjo e ditës së sotme, apo foto rastësore, për të cilën duke qënë pjesë e medias prej vitesh, nuk arrij ta kuptoj, se si një media pranon të përdoret si mashë e qeverisë, për të zbehur aferat korruptive dhe për të relativizuar rrokullisjen e pashmangshme të pushtetit, me lajme të tilla.

Këto manipulime, thjesht më konfirmojnë frikën e njerëzve të perfshirë në akuzat e ditëve të fundit dhe e bën misionin tim politik akoma më të vendosur”, shkruan më tej Dizdari./CNA.al

"McGonigal", reagon ashpër anëtarja e Këshillit

Lajmet e fundit nga