LEXO PA REKLAMA!

SHKARKO APP

30 milionë euro për emergjencat civile/ Peleshi: Do të shpërndahet në të gjitha bashkitë

1 Shkurt 2023, 14:01, Aktualitet CNA

30 milionë euro për emergjencat civile/ Peleshi: Do të

Ministri i Mbrojtjes, Niko Peleshi, ka njoftuar miratimin e projektit që lidhet me mbështetjen për emergjencat civile.

Peleshi njoftoi se ky do të jetë një vit i rëndësishëm dhe se bëhet fjalë për një fond prej 2 milionë dollarësh.

Më tej, ai shtoi se gjatë këtij viti do jetësohet financimi i qeverisë italiane për të mbështetur plotësisht bashkitë dhe gjithë sistemin për përballimin e emergjencave civile, i cili do të jetë 30 milionë euro.

“Është miratuar një projekt vendim që ka lidhje me gjithë masat tona në mbështetje të emergjencave civile.

Bëhet fjalë për një fond prej 200 milionë lekësh, e thënë ndryshe 2 milionë dollarë, pjesë e paketës prej 20 milionë dollarësh, që buxheti i këtij viti ka alokuar për emergjencat civile në gjithë vendin.

Ky do të jetë vit i rëndësishëm për emergjencat civile.

Këtë vit do jetësohet financimi i qeverisë italiane prej 30 milionë eurosh, që do të mbështesë plotësisht bashkitë dhe gjithë sistemin nga niveli vendor deri tek ai qendror për përballimin e emergjencave civile”, tha Peleshi./CNA.al

Lajmet e fundit nga