web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore “prodhon” një Prokurori Apeli/ Ja kujt i është besuar drejtimi

1 Shkurt 2023, 11:57, Aktualitet CNA

Harta e re gjyqësore “prodhon” një Prokurori Apeli/ Ja

Sot në datën 01 shkurt 2023, në zbatim të Hartës së Re Gjyqësore të miratuar për sistemin gjyqësor, së bashku me Gjykatën e Apelit Tiranë, filloi zyrtarisht nga aktiviteti edhe Prokuroria e Apelit pranë Gjykatës së Apelit të Juridiksionit të Përgjithshëm Tiranë.

Në këtë mënyrë u riorganizuan zyrat e Prokurorive të Apelit në Tiranë, Korçë, Gjirokastër, Durrës, Vlorë dhe Shkodër. Numri aktual i kësaj Prokurorie është 13 prokurorë, ku 10 prej tyre janë me emërim dhe tre janë me caktim të përkohshëm.

Numri total i përcaktuar për funksionimin e saj është 26 prokurorë. Pas disa muajsh është menduar nga Këshilli i Lartë i Prokurorisë të hapet një garë për plotësimin e disa vakancave të përhershme për këtë strukturë.

Drejtues i kësaj prokurorie do të vazhdojë të jetë drejtuesi aktual i ish-Prokurorisë së Apelit Tiranë, Gent Xholi, i zgjedhur me një mandat trevjeçar.

Me rastin e fillimit të veprimtarisë, sot në ambientet e Prokurorisë u zhvillua një ceremoni ku morën pjesë Kryetari i Këshillit të Lartë të Prokurorisë, Alfred Balla, Kryetarja e Komisionit të Vlerësimit të Veprimtarisë Etike dhe Profesionale në KLP, zonja Nurihan Seiti dhe Prokurori i Përgjithshëm, zoti Olsian Çela./CNA.al





Lajmet e fundit nga