web counter
LEXO PA REKLAMA!

SHKARKO APP

App Store
Google Play

Shorti për Veliajn në Gjykatën e Lartë/ Ja gjyqtari në konflikt interesi

9 Korrik 2026, 19:59, Aktualitet CNA

Në Gjykatën e Lartë është hedhur shorti për gjyqtarin që do të rishqyrtojë masën e sigurisë “Arrest me burg” për kryebashkiakun e arrestuar të Tiranës, Erion Veliaj. Gjyqtari që është shortuar për këtë çështje është Ilir Panda. Rishqyrtim që vjen pas vendimit nga Gjykata Kushtetuese, për masën e sigurisë, vendim i dhënë në korrik të vitit 2025, për kryebashkiakun Veliaj.

Shorti për Veliajn në Gjykatën e Lartë/ Ja gjyqtari në
Gjyqtari Ilir Panda

Gjyqtari i shortuar për rishqyrtim, Ilir Panda është gjyqtari që u tërhoq kur i ra shorti të shqyrtonte çështjen Veliaj-Xoxa në mars të vitit 2025. Më konkretisht, për rekursin e dorëzuar në Gjykatën e Lartë nga Ajola Xoxa dhe Arbër Veliaj për kontrollet e ushtruara në bizneset dhe banesat e tyre.

Panda asokohe u tërhoq nga çështja me pretendimin se kishte lidhje të afërta me Ajola Xoxën. Tani Ilir Pandës i bie shorti dhe do të shqyrtojë kërkesën e Erion Veliajt, burrit të Ajola Xoxës. Në rastin e parë, Panda deklaroi se ishte në konflikt interesi me Xoxën.

Lind pyetja: Po tani, nuk është në konflikt interesi Ilir Panda? Atëherë do të shqyrtonte kërkesën e Ajola Xoxës, tani do të rishqyrtojë kërkesën e burrit të Ajola Xoxës, Erion Veliaj, i akuzuar për 5 vepra të rënda penale.

Nuk dihet nëse në këtë rast, Ilir Panda do të tërhiqet nga çështja. Apo do të shqyrtojë vendimin për masën e sigurisë “Arrest me burg” ndaj Erion Veliajt. Masë e caktuar në korrik të vitit të kaluar, nga Gjykata e Lartë./CNA





Lajmet e fundit nga