LEXO PA REKLAMA!

SHKARKO APP

E fundit!

x

Raporti i Dick Marty-t për UÇK-në/ Mblidhen firmat për ta rrëzuar në asamblenë e KiE-së

3 Prill 2023, 15:31, Aktualitet CNA

Raporti i Dick Marty-t për UÇK-në/ Mblidhen firmat për ta

Asambleja e Këshillit të Europës ka mbledhur firmat për mocionin për një rezolutë të re mbi rezolutën e vitit 2011 për raportin e Dicvk Marty-t.

Lajmin e ka bërë të ditur kryeministri Edi Rama, i cili deklaron se ndaj UÇK-së janë ngritur akuza të tmerrshme.

Rama deklaron se rruga e drejtësisë do të jetë e gjatë, e mundimshme dhe fyese deri në palcë, por thekson se në fund do të triumfojë.

“I mblodhëm më në fund firmat në Asamblenë e Këshillit të Europës për mocionin për një rezolutë të re mbi rezolutën e vitit 2011, ku pa asnjë fakt u ngritën akuzat e tmerrshme ndaj ushtrisë së lavdishme çlirimtare të kosovës për trafikun e organeve njerëzore.

Rruga e Drejtësisë për Kosovën, gjakun e derdhur për liri, dëshmorët e UÇK-së dhe heronjtë e saj të gjallë sot në Hagë, do të jetë e gjatë, e mundimshme, madje edhe fyese deri në palcë, por Drejtësia do të triumfojë në fund fare, sepse s’ka forcë në botë që ta damkosë si kriminale një luftë çlirimtar”, shkruan kryeministri në rrjetet sociale./ CNA.al

Lajmet e fundit nga