LEXO PA REKLAMA!

SHKARKO APP

“Rrezik për sigurinë”/ Balla: Të ndalohet "TikTok"-u në institucionet publike

3 Prill 2023, 13:09, Aktualitet CNA
“Rrezik për sigurinë”/ Balla: Të ndalohet
Kryetari i Grupit Parlamentar të Partisë Socialiste, Taulant Balla

Kryetari i Grupit Parlamentar të Partisë Socialiste, Taulant Balla, në Komisionin për Integrimin Europian ka propozuar që "TikTok" të ndalohet në institucionet publike të Shqipërisë.

Sipas Ballës, për një nivel më të mirë rregullimi për të dhënat personale u bashkohet vendimeve për ndalimin e përdorimit të këtij aplikacionin në këshill, legjilacion.

Mazhoranca do ta mbështesë propozimin e qeverisë. Do ta votoj në të gjitha komisionet e në seancë plenare. I kërkojmë përfaqësuesit të qeverisë të mbajë në vëmendje një pjesë të diskutimeve që u bënë këtu. Të gjitha institucionet të adresojnë në mënyrë të menjëhershme…

AMA nuk rregullon, miraton rregullore që platformat vetërregullohen. Flas këtu për 'Meta'-n, 'Twitter', 'Netflix', 'YouTube'. Ajo që Shqipëria duhet të bëjë. Ne të ndjekim modelet e rregullatorëve europianë. Diskutimi më i gjatë që duhet të merrte kohë këtu janë disa vendime të rregullatorëve europianë, në fillim të këtij viti, 'META', zotëruesi i 'FB'-së u gjobit për çështje që edhe në Shqipëri kemi defiçenca, mbrojtja e të dhënave personale.

Në këtë aspekt, do të duhet të përfaqësojmë barrierat, digat, për të ndaluar abuzimin me këto të dhëna personale. Pjesa më e madhe këtu jemi prindër, ajo e dhëna që mes moshës 8-18 vjeç, çdo fëmijë harxhon 9 orë në këto platforma, duhet të na alarmojë, më pas të na ndërgjegjësojë për forcimin e çdo lloj barriere apo dige që arrijnë në sytë e kësaj moshe.

Për një nivel më të mirë rregullimi për të dhënat personale, bëjë pjesë në ata politikëbërës, që 'TikTok' është rrezik për sigurinë në hapësirën tonë euroatlantike. U bashkohem vendimeve për ndalimin e përdorimit të këtij aplikacionin në të tria nivelet, në këshill, legjilacion...etj.

Të paktën te pajisjet zyrtare. SHBA-ja ka shkuar përtej në këtë qasje, me dyshimet se pas aplikacionit 'TikTok' fshihet partia komuniste kineze. Të dhënat personale, në atë aplikacion eminent”, tha Balla./ CNA.al

 

Lajmet e fundit nga