web counter
LEXO PA REKLAMA!

SHKARKO APP

App Store
Google Play

E fundit!

x

32 vite nga masakra e 2 Prillit/ Berisha: Po i nderojmë martirët në kushtet e një monizmi të plotë

2 Prill 2023, 11:55, Aktualitet CNA
32 vite nga masakra e 2 Prillit/ Berisha: Po i nderojmë martirët
Sali Berisha

Sot janë përkujtuar përmes një ceremonie katër martirët e demokracisë në Shkodër, Arben Broci, Bujar Bishanaku, Nazmi Kryeziu dhe Besnik Ceka, të cilët humbën jetën në demonstratën e 2 Prillit në vitin 1991.

Pjesë e ceremonisë ka qenë dhe ish-kryeministri Sali Berisha, i cili në fjalën e tij është shprehur se pas 32 vitesh, sot martirët nderohen në kushtet e një monizmi të plotë.

“Tanket, autoblindat e ushtrisë u derdhën në qytetin bastion të antikomunizmit. U derdhën mbi Shkodër, e cila qëndroi si epiqendra kryesore e antikomunizmit në Europë.

Sakrifica sublime e martirëve jehoi në mbarë botën e lirë. Ajo shënoi gjithashtu një vetëvrasje të vërtetë për diktaturën komuniste në grahmat e fundit. Bota pa që kjo diktaturë nuk pajtohej me botën e lirë, për këtë diktaturë, opozitarët, ata që mendonin dhe votonin ndryshe ishin armiq për t'u vrarë.

Sakrifica e martirëve të 2 prillit u shndërrua në kushtrim për mbarë shqiptarët.

Sot i nderojmë martirët e votës së lirë. Pas 32 vitesh, por mjerisht i nderojmë në kushtet e një monizmi të plotë. I nderojmë në kushte të njëjta me ato që ekzistonin ditën që ata ranë. Sot të gjitha pushtetet janë në dorën e një njeriu, të gjitha të drejtat janë në duart e një njeriu, i cili kontrollon çdo pushtet, i cili vendos për çdo proces, i cili dhunon me makinerinë e narkoshtetit liritë dhe të drejtat e qytetarëve përfshirë dhe votën e lirë. Rama është po aq xhelat sot ndaj lirive të shqiptarëve sa ishte i ati i tij që firmosi në 10 gusht të ‘88 varjen në litar të poetit Hafzi Nela”, tha Berisha./ CNA.al





Lajmet e fundit nga