LEXO PA REKLAMA!

SHKARKO APP

Kallëzimi i 8 zyrtarëve të Vlorës/ Reagon drejtoresha e Agjencisë Shtetërore të Kadastrës

3 Prill 2023, 15:22, Aktualitet CNA

Kallëzimi i 8 zyrtarëve të Vlorës/ Reagon drejtoresha e

Dallëndyshe Bici ka reaguar në rrjetet sociale pas arrestimit të 8 zyrtarëve të Kadastrës së Vlorës.

Drejtoresha e Kadastrës shkruan se ka firmosur kallëzimin në SPAK me akuzën “Shpërdorim detyre” për 8 zyrtarë dhe ish-zyrtarë të Vlorës.

Më tej Bici shton se kanë nisur verifikimet e hollësishme dhe nëse punonjësit "i kanë kuptuar" ndryshe politikat e qeverisjes, do të përballen me ligjin.

"Pas gjetjes së shkeljeve të rënda, kam firmosur kallëzimin në SPAK me akuzën “Shpërdorim detyre” për tetë zyrtarë dhe ish-zyrtarë të lartë të ASHK Vlorë. Kemi filluar dhe do të bëjmë verifikime të hollësishme në të gjitha drejtoritë vendore, nisur nga indicie të qytetarëve, apo raporte zyrtare. Ne jemi në shërbim të ligjit dhe qytetarëve. Kush nga punonjësit e ASHK i ka kuptuar ndryshe politikat e qeverisjes sonë, do të përballet me ligjin dhe drejtësinë," shkruan Dallëndyshe Bici.

8 zyrtarët e kallëzuar janë, Erdet Mandi, aktualisht drejtor i ASHK-Vlorë, Bilbil Aliaj, ish-drejtor i ASHK Vlorë, Renato Beshaj, ish-përgjegjës i sektorit të legalizimeve ASHK Vlorë, Denis Metaj, ish-përgjegjës i sektorit të hartografisë, Dorjana Ferati, ish-përgjegjëse e sektorit të çështjeve të pronësisë, aktualisht përgjegjëse e arshivë-protokollit ASHK Vlorë, Anisa Golemi, specialiste ASHK Vlorë, Bojkena Bani, ish-specialiste ASHK Vlorë dhe Teuta Meço, specialiste ASHK Vlorë.

Sipas asaj që u raportua në media, ata kanë lejuar që të legalizohet një objekt duke cenuar xhaminë./CNA.al

Lajmet e fundit nga