Pas ndeshjes, protestuesit janë zhvendosur para selisë së ...
Dëshmia e italianit të inceneratorëve/ Gazetari Bledian Koka: Veliaj më paska bërë padi
3 Prill 2023, 14:55, AktualitetCNA
Kreu i Bashkisë, Erion Veliaj
Gazetari Bledian Koka ka bërë me dije se kryebashkiaku Erion Veliaj ka bërë padi penale ndaj tij dhe televizionit "Syri TV", pas publikimit të dëshmisë së shtetasit italian, Gabriele Tarroni Longinotti, ish-ortak i Alberto Presezzit, ky i fundit ortak në kompaninë e inceneratorit të Tiranës, si dhe administrator dhe pronar i Shoqërisë "Bruno Presezzi".
Longinotti ka dëshmuar se Presezzi ka blerë në qytetin e Kostancës në Rumani një incenerator gjysmautomatik të dorës së dytë.
Sipas dëshmisë së italianit për emisionin “Piranjat”, Rumania kishte kërkuar ta çmontonte këtë incenerator pasi i shkaktonte shumë shpenzime.
“Faleminderit per Medaljen e Nderit! Sot Erion Veliaj me paska bërë një padi penale mua dhe 'Syri TV' (megjithëse në injorancën totale e portalin 'Syri.net' e quajnë televizion pas publikimit të një dëshmie me zë e me figurë të një shtetasi italian që ka hedhur dritë për skandalin e gjithëpranuar të Inceneratorëve.
Vlerësimi më i madh që mund t'i bëhet një gazetari është të paditet nga një politikan, kështu që nder më të madh Erion Veliaj s'mund të më bënte! Nga ana tjetër, padia e orës 12.30 nga selia e PS-së vjen fiks 2 orë pasi në postën elektronike të Veliajt kam dërguar këto pyetje pas deklaratave publike të shtetasit italian Gabriele Tarroni Longinotti, një biznesmen ish-ortak i Alberto Presezzit, person kyç në sjelljen në Shqipëri e të paktën njërit nga inceneratorët!p.s...sot për mua dhe 'Syri TV' e 'Syri.net' është një ditë fantastike, më besoni “, shkruan Bledian Koka./ CNA.al
