LEXO PA REKLAMA!

SHKARKO APP

Projekti që do të shndërrojë Durrësin në Dubai/ El Alabbar: Nuk do t’ju zhgënjejmë

30 Janar 2023, 14:15, Aktualitet CNA

Projekti që do të shndërrojë Durrësin në Dubai/ El

Investitori Mohamed El Alabbar do të investojë për Portin e Durrësit 2 miliardë euro.

Sot është nënshkruar marrëveshja përfundimtare për zhvillimin e projektit “Durrës Yacht & Marina” dhe nga qeveria shqiptare dhe “Eagle Hills Real Estate”.

Marrëveshja u firmos nga zv.ministri i Financave dhe Ekonomisë Besart Kadia, investitorit Muhammed El Alabbar dhe Erlis Hereni, drejtor i Agjencisë për realizimin e këtij projekti.

Investitori Muhammed El Alabbar, tha se në Durrës do të implementohen teknologjitë më të fundit që nuk janë përdorur as në Dubai dhe premtoi se nuk do të zhgënjejë në rezultatet e punës.

“Disa nga gjërat që po bëhen këtu janë më të përparuara se në Dubai, ideja e hapjes së vendeve të punës është shumë e rëndësishme. Njerëzit flasin për qytete inteligjente, por askush nuk e ka bërë, ndërsa në Durrës do e bëjmë këtë gjë.

E gjitha është pjesë e një zgjidhjeje të qëndrueshme, është kaq e përparuar. Ky është një moment i jashtëzakonshëm dhe dua t’ju përgëzoj për kujdesin që keni për vendin tuaj, në momentin që planifikoni t’i bëni gjërat ju i bëni me zemër bashkë me ekipin tuaj dhe shpresoj që kjo të funksionojë si motivues për të thënë se shumë po ndodh në Shqipëri, rruga para është shumë entuziazmuese, nuk ju falënderoj dot mjaftueshëm që më besuat dhe nuk do ju zhgënjej”, ka thënë ai.

Kujtojmë se projekti për portin e Durrësit u miratua në parlament në fund të vitit të kaluar mes shumë kundërshtimesh nga opozita, e cila e cilëson atë si aferën korruptive më të madhe të 30 viteve të fundit./CNA.al

Lajmet e fundit nga