web counter
LEXO PA REKLAMA!

SHKARKO APP

App Store
Google Play

Presidentja e KE-së, në telashe/ "New York Times" padit Von der Leyen për mesazhet me "Pfizer"

14 Shkurt 2023, 13:31, Aktualitet CNA

Presidentja e KE-së, në telashe/ "New York Times" padit Von

Media prestigjioze “New York Times” ka paditur presidenten e Komisionit Europian, Ursula von der Leyen.

“Politico” raporton se padia lidhet me mospublikimin e teksteve të mesazheve midis Ursula von der Leyen dhe CEO-s së Pfizer, Albert Bourla.

Gazeta do të përballet me avokatët e BE-së në gjykatën më të lartë të bllokut, duke argumentuar se Komisioni e ka detyrim ligjor publikimin e mesazheve.

Mendohet se në mesazhe mund të ketë informacione mbi marrëveshjet e BE-së për të blerë miliarda euro doza të COVID-19.

Çështja u depozitua më 25 janar dhe u publikua dje në regjistrin publik të Gjykatës Europiane të Drejtësisë, por ende nuk ka informacion të detajuar. 

Padia vjen pas një hetimi të janarit 2022 nga Emily O'Reilly, e cila pretendon se ka pasur keqadministrim në përpjekjet e Komisionit për të rikuperuar mesazhet.

Gazetari Alexander Fanta kishte kërkuar akses të mesazheve, por komisionerja e BE-së për Vlerat dhe Transparencën, Vera Jourova, pohoi se mesazhet me tekst mund të ishin fshirë, për shkak të "natyrës së tyre jetëshkurtër dhe kalimtare"./ CNA.al





Lajmet e fundit nga