LEXO PA REKLAMA!

SHKARKO APP

App Store
Google Play

Po blen shkollat për llogari të Erdoganit/ Reagon Sinan Idrizi

27 Shtator 2022, 11:00, Aktualitet CNA

Po blen shkollat për llogari të Erdoganit/ Reagon Sinan Idrizi

Biznesmeni Sinan Idrizi ka folur për blerjen e godinës së “Mehmet Akif”, shkollë turke e cila u mbyll pak ditë më parë nga qeveria.

Idrizi tha në emisionin “Të Paekspozuarit” se ka investuar dhe do të vijojë të investojë në arsim dhe mohoi kategorikisht që miqësia e tij me Presidentin Erdogan, të ketë lidhje me faktin se ai po blen shkolla.

"Kam blerë edhe godinën e Medresesë në Shkodër, Korçë dhe në Berat. Po blej një zinxhirë shkollash, dua të investoj në arsim. Sponsorizoj studentët e ekselencës, kam 8 vjet. Nuk kam ardhur si një rrufe në qiell të hapur. Unë dua të investoj, kam 8 vite dhe thjeshtë kam hyrë në kontakt të poseduesve të godinave dhe i kam blerë. Nëse dikush që merret me politikë nuk ka ku të ankorohet, e merren me Sinan Idrizin, unë s'kam çfarë të bëj. Miqësia ime me Erdoganin është një gjë tjetër, investimet e mia janë gjë tjetër. Unë financoj studentë, ja pyet Fevziun. Unë nuk ia kam vjedhur shkollën askujt. (I përgjigjet akuzave të Sali Berishës) Mua nuk ka burrë nëne që të më kërcënojë. Berisha ka gjetur njeriun e gabuar për të kërcënuar. Godinën ia kam blerë kolegjit. Toka është pronë e këtyre. Të drejtën e përdorimit e ka dhënë bashkia. Godina është në përdorim, por toka është private. Kam blerë tokën dhe transferimin e së drejtës. Gylistan i posedon dhe unë i kam blerë, në Shkodër, në Tiranë… Fondacioni Gylistan, atyre ua kam blerë. Unë kam tapinë në dispozicion, të tjerat janë komente. Toka është në pronësinë time dhe pronarët kanë qenë fondacioni Gylistan. Shihni tapitë në zyrat e mia,", është shprehur Idrizi./CNA.al

Lajmet e fundit nga