web counter
LEXO PA REKLAMA!

SHKARKO APP

"Makina u qëllua me breshëri plumbash"/ Kreu i policisë së Lezhës jep informacion për atentatin

26 Prill 2026, 16:13, Aktualitet CNA

"Makina u qëllua me breshëri plumbash"/ Kreu i policisë

Drejtori i Policisë Vendore në Lezhë, Arben Nasufi ka folur lidhur me atentatin e ndodhur ditën e sotme në fshatin Balldren, ku viktima mbetën një çift bashkëshortësh. Sipas Nasufit, automjeti i viktimave është qëlluar me breshëri plumbash gjatë lëvizjes.

Ai bëri me dije gjithashtu se është ngritur grupi hetimor dhe po kryhen të gjitha veprimet për zbardhjen e plotë të dinamikës së atentatit dhe zbulimin e autorëve.

“Në sallën operative të drejtorisë vendore të policisë Lezhë ka mbërritur një informacion për të shtëna me armë në Balldre. Menjëherë shërbimet e policisë kanë mbërritur në vendngjarje. Është konstatuar se gjatë lëvizjes së një mjeti, ai është qëlluar me breshëri armësh. Mjekët kanë konfirmuar për humbjen e jetëve të dy personave, një burrë e një grua. Lajmi është shumë i rëndë. Nën drejtimin e prokurorit është ngritur grupi hetimor, po kryhen të gjitha veprimet operative në terren. Po punojmë intensivisht, po fiksojmë çdo provë në vendngjarje, me qëllim hetimin e plotë, zbardhjen e të gjithë dinamikës dhe zbulimin e autorëve dhe vënien e tyre para përgjegjësisë”, tha Nasufi. /CNA





Lajmet e fundit nga