web counter
LEXO PA REKLAMA!

SHKARKO APP

App Store
Google Play

Ping-pong me çmimet e karburanteve/ Bordi rrit naftën me 4 lekë dhe benzinën me 5 lekë

25 Prill 2026, 13:56, Aktualitet CNA

Ping-pong me çmimet e karburanteve/ Bordi rrit naftën me 4 lekë

Bordi i Transparencës ka vendosur këtë të shtunë ndryshimin e çmimeve të karburanteve në tregun vendas, duke reflektuar një rritje të re për konsumatorët.

Sipas vendimit më të fundit, çmimi i naftës është rritur me 4 lekë për litër, ndërsa benzina ka pësuar një rritje prej 5 lekësh në krahasim me mbledhjen e kaluar.

Nga ora 14:00 e kësaj të shtune, nafta do të shitet me pakicë për jo më shumë se 206 lekë për litër, ndërsa çmimi i shitjes me shumicë është caktuar në 194 lekë.

Për sa i përket benzinës, tavanet e reja janë 181 lekë për litër në pikat e pakicës dhe 169 lekë për litër për tregtimin me shumicë.

Këto vlera do të mbeten në fuqi deri në mbledhjen e ardhshme të Bordit, e cila do të monitorojë lëvizjet e tregut ndërkombëtar.

Në njoftimin zyrtar, Bordi sqaroi se akciza do të vijojë të zbatohet në masën 100 për qind, pasi çmimet aktuale nuk e kanë kaluar kufirin kritik prej 220 lekësh për naftën apo 200 lekësh për benzinën, kusht ky i parashikuar në Aktin Normativ të prillit për reduktimin e barrës fiskale.

Operatoret janë paralajmëruar se çdo shkelje e këtyre çmimeve tavan do të shoqërohet me masa të rrepta administrative, të cilat mund të shkojnë deri në pezullimin e plotë të aktivitetit të tyre tregtar./ CNA





Lajmet e fundit nga