LEXO PA REKLAMA!

SHKARKO APP

App Store
Google Play

E fundit!

x

Kush është shefi i komisariatit që ra në “rrjetën” e policisë/ Të dhënat dolën nga aplikacioni “Sky ECC”

20 Nëntor 2023, 21:29, Aktualitet CNA
Kush është shefi i komisariatit që ra në
Dedan Gjoni

Policia me urdhër të SPAK ka kryer një operacion nga ku janë lëshuar 11 urdhër-arreste, mes tyre edhe ndaj ish-zëvendës drejtorit të Policisë së Tiranës, Erzen Breçani si dhe djalit të tij. Deri më tani janë ekzekutuar 5 nga këto masa.

Mësohet se mes të arrestuarve është edhe shefi i krimeve në komisariatin e Policisë numër 6, Dedan Gjoni.

Sipas asaj që raportohet arrestimet janë bërë pas çkodimit të aplikacionit Sky ECC.

Gjoni është arrestuar në hyrje të stadiumit Air Albania pasi kishte shkuar për të parë ndeshjen e Kombëtares shqiptare.

Mbi 11 personat e akuzuar, SPAK ka dyshime se kanë kryer pastrim parash, trafik droge, sigurim kushtesh për të kryer vrasje, shpërdorim detyre dhe përkrahje e autorit të krimit.

Gjithashtu urdhër arrest është lëshuar edhe Ervin Matën, biznesmenin dhe ish partnerin e këngëtares Elvana Gjata, i cili u përfshi në përplasjen me armë në zonën e ish Bllokut në vitin 2018, ku mbeti i vrarë Fabian Gaxha truproja i Ervis Martinajt.

Urdhër arrestet janë kërkuar nga prokurori Vladimir Mara./ CNA

 

Lajmet e fundit nga