E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

10 vite pa Sokol Olldashin/ Fotoreporteri e kujton me një poezi

20 Nëntor 2023, 16:29, Aktualitet CNA

Sokol Olldashi

Fotoreporteri Felix Bilani ka kujtuar sot të ndjerin Sokol Olldashin, mikun e shtrenjtë, me një poezi të tijën të titulluar “Unë dhe Unë”.

Sot në 10-vjetorin e tij, fotoreporteri kujton me nostalgji Olldashin, mikun e tij të shtrenjtë, të mençur, rebel dhe të vërtetë.

Bilani thotë se në mungesë të Olldashit lexon poezitë që ka lënë pas dhe çmallet.

“10 vjet pa Kolin

A mos do pime nje ferrnet xixi ....?

Sot jam zgjuar me kete ze ....sot 10 vjet pa Kolin , rrebel , i qete, i mençur , i vertete ne ate cfar ishe miku im. Ike me shpejt dhe na le ne kete rremujen tone...miqte qe i mbaje afer jane bere legene , pikerisht legene te nivelit kur bisedonim dikur tek Magelani , lokali afer redaksise , ose tek ujvara, por ti i sheh nga lart e me siguri nenqesh duke thene se provinciali nuk behet kurre qytetar fisnik ....

E sot pime nje fernet te dy bashke , na ke lene pas poezi e fjale me te cilat cmallem kur i lexoj apo degjoj.

Po e ngre dhe te fundit gote per sot ...per kujtimin tend Sokol Olldashi ....duke lexuar ate cfar ti shihje dhe ndjeje ...nje poezi tenden miku im .

UNË DHE UNË

Një hije varet tek unë

me thonjtë e gjaktë

ngulur në venat bosh.

Unë varem pas një hijeje

me dhëmbët e mij të helmët

sytë i nxjerr.

Kafshojmë njeri-tjetrin

unë dhe hija,

vritemi hija dhe un.

Vdesim, unë dhe Unë”, shkruan Bilani.

Sokol Olldashi humbi jetën në një aksident të rëndë automolistik në Krrabë në 20 nëntor të vitit 2013.

Ai ishte një nga personalitetet që hyri në politikë nga dera e gazetarisë dhe u shqua menjëherë si një nga politikanët më të mençur, më energjikë, me batutën brilante për çdo rast.

Pasi la gjurmë në gazetari, ai shërbeu si deputet i Kuvendit të Shqipërisë për 3 mandate, si ministër i Rendit dhe më pas si ministër i Punëve Publike, Transportit dhe Telekomunikacionit.

Studenti i Dhjetorit '90 dha një kontribut të pashlyeshëm në Partinë Demokratike, ku edhe kandidoi për kryetar në vitin 2013 përballë Lulzim Bashës.

Sokol Olldashi u shua 10 vite më parë dhe bashkë me të u shua edhe ëndrra për një opozitë të fortë./ CNA