LEXO PA REKLAMA!

SHKARKO APP

E fundit!

x

GJKKO lë në fuqi masën për Ilir Beqajn, ish-ministri: Rezerva për vendimin, kam bërë vetëm gjëra të mira

20 Nëntor 2023, 13:16, Aktualitet CNA

GJKKO lë në fuqi masën për Ilir Beqajn, ish-ministri:

Gjykata e Posaçme ka lënë në fuqi masën"detyrim paraqitje" dhe "ndalim i daljes jashtë shtetit", për akuzën "shpërdorim detyre", për koncesionin e sterilizimit për ish-ministrin Ilir Beqaj. 

Ish-ministri i Shëndetësisëdeklaroi për mediat se ka bërë punë të mira në kohën kur ka drejtuar sistemin e shëndetësisë. Ai theksoi se ka rezerva sa i përket vendimit të GJKKO-së, por theksoi se është në dispozicion të drejtësisë.

"Kam rezerva për vendimin. Jam në dispozicion të drejtësisë. Unë vazhdoj të besoj që çfarë kemi bërë në shëndetësi ka qenë një gjë e mirë. Për çështjen në fjalë bëhen në janar bëhen 8 vjet që hetohet. Në sallat e Shqipërisë kirurgët operojnë në kushtet sterile", u shpreh ai.

Të shtunën, Beqajt iu komunikua masa e sigurisë, ndërsa sot u mor në pyetje nga trupi gjykues për sterilizimin.

Për këtë çështje janë arrestuar ish-zv.ministri i Shëndetësisë, Klodjan Rrjepaj dhe biznesmeni Ilir Rrapaj. Ata janë nën hetim për "shpërdorim detyre" e "falsifikim dokumentesh". Të dy ndodhen në qeli ndërsa gjykata u ka rrëzuar kërkesën për liri.

Më herët, në gusht të këtij viti, Gjykata e Posaçme i kërkoi prokurorisë të shtrinte hetimet edhe mbi përgjegjësinë e gjashtë personave të tjerë, përfshirë ish-ministrin e Shëndetësisë, Ilir Beqaj./CNA

 

 

Lajmet e fundit nga