LEXO PA REKLAMA!

SHKARKO APP

Kur do t'i zgjedhë PD-ja kandidatët për kryetar bashkie?/ Berisha thumbon PS-në: Ne nuk na i cakton droga e krimi

3 Tetor 2022, 18:18, Aktualitet CNA
Kur do t'i zgjedhë PD-ja kandidatët për kryetar bashkie?/
Kreu i PD-së, Sali Berisha

Kreu i PD-së, Sali Berisha, në një deklaratë për mediat, është pyetur nga gazetarët se kur do t’i përzgjedhë kandidatët për kryetar bashkie, Partia Demokratike.

Berisha është shprehur se opozita nuk i emëron si Rama kandidatët, nuk i zgjedh as droga e as krimi, por i përzgjedhin qytetarët.

Opozita nuk i emëron siç i emëron Edi Rama, por do t'i zgjedhë nga qytetarët. Ne miratuam në një mbledhje dy ditë më parë procedurën e përzgjedhjes së kandidateve nëpërmjet primareve, qytetarëve. Shënuam një hap jashtëzakonisht të madh përpara, duke njohur të drejtën e simpatizantëve për të votuar për kandidatin që duan. Pra sjellim në këto zgjedhje një risi thelbësore në interesin më të mirë të qytetarëve dhe demokracisë.

Ne nuk ka i cakton as droga, as partia-shtet, as krimi. Ne kandidatët na i caktojnë qytetarët. Ne po vazhdojmë konsultimet me aleatët, të përcaktojmë këto 2-3 ditë format e daljes. Ka mendime për të dalë me kandidatë të përbashkët dhe unë e mbështes këtë mendim. Por ne jemi të hapur me aleatët tanë të gjejmë format më të përshtatshme të një gare të suksesshme”, ka thënë Berisha./ CNA.al

Lajmet e fundit nga