web counter
LEXO PA REKLAMA!

SHKARKO APP

App Store
Google Play

Irfan Hysenbelliu fshihet si struci/ Përdor si mburojë punonjësit dhe gazetarët

12 Gusht 2025, 12:04, Aktualitet CNA

Irfan Hysenbelliu fshihet si struci/ Përdor si mburojë punonjësit

Një ditë më parë gazetarë dhe punonjës të televizionit të Irfan Hysenbelliut dolën të protestonin për lirimin e godinës së "News 24", e cila sipas ligjit duhet t’i kthehet shtetit, pasi kontrata e qirasë për këtë godinë ka përfunduar që në vitin 2022.

Pra, për periudhën pas përfundimit të kontratës së qirasë, Irfan Hysenbelliu ka vijuar aktivitetin e tij në atë godinë në kundërshtim me ligjin.

Në këtë ngritje, nuk u pa Irfan Hysenbelliu, biznesmeni i zhytur në borxhe, i cili duhet të ishte i pari person krah gazetarëve dhe punonjësve të tij, të cilët shpesh nuk i paguan, u vonon dhe rrogat dhe tani i përdor si mburojë në vijën e parë në përballjen e tij me shtetin.

Irfan Hysenbelliu, i cili dje u fsheh dhe nuk doli krah punonjësve të tij, sot është kthyer në qesharak duke iu drejtuar punonjësve që të mos dorëzohen.

Qartazi biznesmeni dhe ndërtuesi me miliona e miliona euro borxhe po përdor si mburojë punonjësit.

Ashtu siç e kemi theksuar dhe më parë, "News 24" nuk është mbyllur.

"News 24" nuk del në transmetim se nuk do Irfani të dalë në transmetim që t’i përziejë gjërat dhe të thotë mbyllën televizionin.

Irfani ngatërron me qëllim godinën e parë dhe godinën e dytë. Atë që ka kontratën të mbaruar dhe godinën tjetër që e ka me afat 5 apo deri në 6 vite të tjera.

Zgjidhja do të ishte mjaft e thjeshtë.

Nga godina e parë Irfani hiqte pajisjet dhe i çonte te godina e dytë dhe vazhdonte punën. Godinën e parë ia dorëzonte shtetit dhe "News 24" do të ishte në transmetim.

Irfani nuk e bën këtë pasi duket se kërkon të krijojë konflikt, incident dhe sherr./ CNA

 





Lajmet e fundit nga