web counter
LEXO PA REKLAMA!

SHKARKO APP

App Store
Google Play

Opozita, palë me paligjshmërinë e Irfan Hysenbelliut

11 Gusht 2025, 14:13, Aktualitet CNA
Opozita, palë me paligjshmërinë e Irfan Hysenbelliut
Irfan Hysenbelliu

Më 9 gusht policia dhe institucionet ndërhynë për lirimin e disa ambienteve, të cilat janë pronë shtetërore dhe përdoreshin me qira nga Irfan Hysenbelliu, i cili e ka humbur të drejtën e administrimit të tyre dhe mbajtjes me qira me vendimet e të gjitha niveleve të gjykatave.

Pronën ku ndodhej telelvizioni i Irfan Hysenbelliut, biznesmenit të mbytur në borxhe me miliona e miliona euro, e kanë në përgjegjësi institucione shtetërore, të cilat do ta marrin në administrim.

Nga ana tjetër opozita është bërë palë me Irfan Hysenbelliun duke i dalë në mbrojtje paligjshmërisë dhe e quan aktin e kthimit të pronës shtetit politik dhe të dirigjuar nga Rama.

Sot në një konferencë për shtyp, kreu i PD-së, Sali Berisha, tha se këto janë akte tiranike të narkoshtetit të Ramaduros.

“Dënoj me forcën më të madhe në emër të PD-së këto akte tiranike të narkoshtetit të Ramaduros, dhe kërkoj rikthimin e menjëherëshëm të sinjalit, veprimtarisë normale të gazetarëve dhe punonjësve të 'News 24' dhe mediave të tjera të këtij grupi”, tha Berisha ndër të tjera.

Ndërsa reagime të ngjashme kanë pasur edhe eksponentë të tjerë të opozitës duke thënë se kemi të bëjmë me cenimin e fjalës së lirë.

Në fakt kjo nuk është e vërtetë. Godinës ku ndodhej televizioni i Irfan Hysenbelliut i kishte përfunduar kontrata e qirasë tri vite më parë dhe ashtu siç përcaktohet edhe nga gjykata kjo pronë duhet t’i kthehet shtetit.

Pra, në të gjithë këtë periudhë, Irfan Hysenbelliu, biznesmeni dhe ndërtuesi që tashmë dihet se është i zhytur në borxhe me miliona e miliona euro, ka zhvilluar aktivitetin në këtë godinë në mënyrë të paligjshme, pasi kjo pronë i përket shtetit dhe sipas ligjit duhet t’i kthehet shtetit./ CNA

 





Lajmet e fundit nga