LEXO PA REKLAMA!

SHKARKO APP

Hapja e Kopshtit Zoologjik/ Ndryshon drejtimi i lëvizjes së automjeteve te 'Liqeni i Thatë'

3 Qershor 2022, 13:38, Aktualitet CNA
Hapja e Kopshtit Zoologjik/ Ndryshon drejtimi i lëvizjes së

Nesër do të hapet për qytetarët dhe fëmijët, Kopshti i ri Zoologjik, ndërsa Bashkia e Tiranës në bashkëpunim me policinë e shtetit ka marrë masa edhe për ndryshimin e lëvizjes së automjeteve.

Duke nisur nga kjo e shtunë, qarkullimi në segmentin e rrugës “Liqeni i thatë” do të kthehet me një drejtim lëvizjeje, sipas sensit nga rruga “Hamdi Sina” në drejtim të “Kopshtit Zoologjik”. Përjashtim bëjnë veç mjetet e transportit urban, i cili do të vazhdojë lëvizjen sipas itinerarit që ka realizuar deri më tani, dhe rezervojnë të drejtën për kalimin në dy senset e aksit rrugor.

Ndërsa, aksesi hyrës i kalimit të automjeteve për qytetarët, për pjesën e rrugës që kthehet me një drejtim lëvizjeje, do të bëhet nëpërmjet kalimit në Unazën e Madhe të Qytetit, si dhe duke e aksesuar zonën te nyja e re, pranë Liqenit të Thatë./ CNA.al

Lajmet e fundit nga