web counter
LEXO PA REKLAMA!

SHKARKO APP

App Store
Google Play

Grupi i Bashës sulmon Berishën/ "Po mbron bandat e Elbasanit"

27 Maj 2022, 13:34, Aktualitet CNA

Grupi i Lulzim Bashës, i cili kërkon ende të mbajë peng PD-në, ka reaguar pas deklaratave të kreut të kësaj force politike, Sali Berisha.

Përmes një postimi në rrjetet sociale, shkruan se Berisha po mbron bandat e Elbasanit, pasi i përdori kundër demokratëve në tentativën e tij për të marrë peng PD-në.

“PD dënon me forcë përdorimin e një ngjarje të rëndë për interesa të Sali Berishës.

Është e pafalshme të shohësh se si Sali Berisha mbron bandat e Elbasanit edhe pse ai tashmë është peng i tyre, sepse i përdori kundër demokratëve në tentativën e tij për të marrë peng PD.

Për hallin e tij, Sali Berisha bëri koalicion edhe me Aqif Rakipin, Tom Doshin dhe Vangjush Dakon. Këtë e dinë gjithë demokratët dhe gjithë qytetarët e Shkodrës, Elbasanit dhe Durrësit. Për hallin e tij, Sali Berisha kërkon të shkatërrojë PD-në dhe ta izolojë atë nga çdo partner ndërkombëtar.

Siç po shihet çdo ditë në këtë sipërmarrje, ai ka partner kryesor Edi Ramën.

Mjafton të shikoni sot vendimin e Komisionit të Ligjeve, për të kuptuar se si Edi Rama është aleati i Sali Berishës. Ata kanë halle të përbashkëta dhe për hallet e tyre duan të bëjnë kurban PD-në”, shkruhet në postim.





Lajmet e fundit nga