LEXO PA REKLAMA!

SHKARKO APP

E fundit!

x

GJKKO dënon me burgim të përjetshëm Ardjan Çapjan

15 Nëntor 2023, 15:19, Aktualitet CNA

GJKKO dënon me burgim të përjetshëm Ardjan Çapjan

Apeli i Posaçëm dënon me Burgim të përjetshëm Ardjan Çapjan.

Apeli i Gjykatës së Posaçme kundër Korrupsionit dhe Krimit të Organizuar njohur ndryshe si GJKKO ka shpallur vendimin për Ardjan Çapjan dhe 5 të pandehurit e tjerë për ngjarjen e 15 gushtit të 2012-ës. Ata u shpallën fajtorë për vrasjen e babë e bir Nezir dhe Gentian Beqiri.

Gjyqtarët e Apelit të Posaçëm kanë lënë në fuqi vendimin e Shkallës së Parë duke dënuar me burgim të përjetshëm Ardjan Çapjan, Florenc Çapjan dhe Olsi Lekun.

Ndërsa nga 25 vite burg u dënuan Etjen Cani dhe Klajdi Dokoli.

Po ashtu është dënuar me 15 vite burg edhe bashkëpuntori i drejtësisë Ervis Bardhi.

Nezir dhe Gentian Beqiri, babë e bir u vranë në banesën e tyre, teksa Gentiani ishte në ‘arrest shtëpie’ dhe ruhej me dy policë pasi akuzohej si autor i vrasjes së biznesmenit të njohur Sokol Çapja, në dhjetor të vitit 2005.

Vrasja e Gentian Beqirit, u krye në ambientet e brendshme të banesës së tij në Elbasan, ku u qëlluar për vdekje me 7 plumba të një pistolete me silenciator dhe më pas mbytën edhe babanë e tij Nezir Beqiri. Pas ngjarjes policia arrestoi Ervis Bardhin, Olsi Lekun, Etjen Canin dhe Klajdi Dokolin./CNA

 

Lajmet e fundit nga