LEXO PA REKLAMA!

SHKARKO APP

Prokuroria dërgon në gjyq mjekun e spitalit të Fierit/ Çfarë zbuluan hetimet

15 Nëntor 2023, 14:59, Aktualitet CNA

Prokuroria dërgon në gjyq mjekun e spitalit të Fierit/

Një mjek në Fier është dërguar nga prokuroria në gjyq pasi hetimet treguan neglizhencë lidhur me trajtimin mjekësor të një pacienteje që ndërroi jetë.

“Prokuroria Pranë Gjykatës së Shkallës së Parë të Juridiksionit të Përgjithshëm Fier, ka përfunduar hetimet dhe ka dërguar për gjykim, procedimin penal në ngarkim të shtetasit S.B., me detyrë mjek pranë urgjencës së Spitalit Rajonal Fier, i akuzuar për veprën penale të “Neglizhenca në trajtimin mjekësor”, e parashikuar nga neni 96/2 i Kodit Penal.”, thuhet në njoftim.

Nga hetimet u provua se, mjeku nuk ka vepruar në përputhje me protokollin mjekësor, të pranuar për sëmundjen nga e cila vuante shtetasja A.N., dhe se transportimi i pacientes nuk u realizua konform protokollit mjekësor me ekip të specializuar.

Si pasojë e neglizhencës në trajtimin mjekësor, shtetasja A. N. ndërroi jetë.

Tashmë pritet vendimi i gjykatës për mjekun në fjalë./ CNA

Lajmet e fundit nga