web counter
LEXO PA REKLAMA!

SHKARKO APP

App Store
Google Play

E fundit!

x

Policia, aksion në terren/ 63 çerdhe dhe kopshte pa licencë, gjobiten 18 subjekte

15 Nëntor 2023, 10:01, Aktualitet CNA

Policia, aksion në terren/ 63 çerdhe dhe kopshte pa licencë,

201 subjekte kopshte e çerdhe, kanë kaluar nën sitën e "Task Forcës" së ngritur nga Ministria e Arsimit dhe Policia e Shtetit për të verifikuar ligjshmërinë e veprimtarisë në këto subjekte, ndërsa 63 prej tyre kanë rezultuar pa licencë. Pas verifikimeve të këtyre subjekteve në të gjithë vendin, shërbimet e Policisë, kanë konstatuar se në 81 subjekte kjo veprimtari kryhej jashtë çdo hapësire ligjore dhe pa asnjë certifikim, ndër të cilat 18 janë gjobitur.

"Si rezultat i kontrolleve dhe i verifikimeve të kryera nga shërbimet e Policisë, janë evidentuar 63 çerdhe dhe kopshte në të cilat kryhej veprimtari pa licencën përkatëse ose me dokumentacion të parregullt, nga këto: 40 në Tiranë, 11 në Durrës, 4 në Lezhë, 4 në Shkodër, 2 në Fier, 1 në Vlorë dhe 1 në Gjirokastër.- thuhet në njoftimin e Policisë.

Autoritetet kanë nisur procedim penal për pronarët/administratorët e këtyre 63 subjekteve, për veprat penale “Ushtrimi i një aktiviteti tregtar të paligjshëm ose të paregjistruar në organet tatimore”, “Punësimi i paligjshëm”, “Mashtrimi”, “Fshehja e të ardhurave”, “Shpërdorimi i detyrës”, “Mospagimi i taksave dhe tatimeve” dhe “Pastrimi i produkteve të veprës penale ose veprimtarisë kriminale”.

Aksioni i policisë është shtrirë në të gjithë vendin dhe rastet e konstatuara janë në qarqet Tiranë, Durrës, Lezhë, Shkodër, Fier, Vlorë, Gjirokastër. 

Task Forca do të vijojë verifikimin për çdo paligjshmëri në të gjitha zonat policore në shkallë vendi.

Kjo Task Forcë u ngrit pas publikimit të rastit të dhunimit të 3-vjeçares në një kopsht të palicencuar në Tiranë./CNA

 





Lajmet e fundit nga