web counter
LEXO PA REKLAMA!

SHKARKO APP

App Store
Google Play

E fundit!

x

"8 kopshte rezultojnë të palicencuara", Manastirliu zotohet për standard dhe siguri në institucionet edukative

13 Nëntor 2023, 11:13, Politikë CNA
"8 kopshte rezultojnë të palicencuara", Manastirliu zotohet
Ogerta Manastirliu

Ministrja e Arsimit, Ogerta Manastirliu, u shpreh në një deklaratë për mediat se është pezulluar aktiviteti në kopshtin "Stinët" ku ndodhi edhe dhunimi i një 3-vjeçareje. 

Sipas Manastirliut, gjatë kontrolleve të Taks-Forcës në 67 kopshte, kanë rezultuar 8 prej tyre në Tiranë të palicencuara. Ministrja nënvizoi se do të ketë zero tolerancë ndaj çdo fenomeni që dëmton fëmijën.

"U pezullua menjëherë aktiviteti i kopshtit. Nga inspektimet, 8 kopshte jopublike nuk kanë aplikuar për licensë dhe 2 të tjerave iu është refuzuar licensimi. Nisur nga problematikat, MASH ka publikuar në faqen e saj kopshtet që janë të licensuara dhe lista është në përditësim. Subjektet që kërkojnë të ushtrojnë veprimtarinë “kopsht” të marrin masat për ushtrimin e kësaj veprimtarie. Në rast të mosplotësimit të dokumentacionit, do të ketë ndërprerje të menjëhershme të veprimtarisë.

Nevojitet akoma më shumë bashkërendim i punës për të garantuar shërbim maksimal në institucionet e eduktimit. Fuqizojmë hallkat e monitorimit. Pikërisht sepse ende kemi sfida përballë dhe ende ka problematike që duhet të adresohen, në krye të listës do të jetë reforma e arsimit parashkollor. Zero tolerancë ndaj çdo fenomeni që dëmton fëmijën. Kam një thirrje, fenomene negative të dënueshme dhe të dhimbshme, janë tronditëse por mund t’i luftojmë duke bashkëvepruar të gjithë së bashku si shoqëri për të rritur cilësinë e shërbimeve”, u shpreh Manastirliu./CNA

 

 





Lajmet e fundit nga