LEXO PA REKLAMA!

SHKARKO APP

Braktisi fëmijën në bodrum, vëllai i 30-vjeçares: Nuk e dija, ja çfarë më bëri shoku im

15 Nëntor 2023, 12:51, Aktualitet CNA
Braktisi fëmijën në bodrum, vëllai i 30-vjeçares: Nuk
Foto ilustruese

Vëllai i 30-vjeçares që braktisi fëmijën e porsalindur në një bodrum në “Astir” ka reaguar sot në një emision televiziv ku ka hedhur dritë mbi disa detaje të reja të ngjarjes. Ai ka sqaruar se babain e fëmijës e kishte shok dhe se ky i fundit e ka alkoolizuar të renë e më pas ka mohuar përgjegjësitë pasi ka kuptuar se ajo ishte shtatzënë, ndërsa ka zbuluar se ky baba ka edhe një fëmijë tjetër.  

Para një viti e kam ditur që është lidhur me një person. Nuk ma thanë, por i kuptova një çik gjërat. Pastaj, e kapa mat dhe fola me djalin në fjalë. Kemi qenë shokë. Janë lidhur më përpara dhe pastaj ka marrë numrin tim dhe kemi folur në telefon. Kemi qenë në kafe dhe këtë gjë që ma ka bërë prapa shpine, duke e alkoolizuar motrën dhe ka bërë ato gjëra, unë nuk ia kam falur. Ka një vit dhe nuk më ka treguar asgjë. Se di nëse e ka dashur. Ai me kë nuk fliste me të tjera. Fliste me disa vajza. Motra ime i kishte bërë bllok dhe ai kishte nisur një lidhje me një nga Lushnja. Jashtë ka dhe një fëmijë tjetër. Dua të di pse ma bëri këtë pas shpine. Jo ta alkoolizonte motrën time. Motra ime i ka treguar se është shtatzënë. Ai i ka thënë s’dua ta di.” – ka deklaruar i vëllai.

Ndërkohë, pavarësisht se nuk ishte dakord me situatën ai ka thënë se po të kishte dijeni për shtatzëninë e së motrës do ta kishte dërguar vetë në spital e për këtë arsye nuk ia fal veprimin e braktisjes së foshnjës.

Po ta dija e çoja vetë te spitali, ia bëja të gjitha. As vetes sime nuk ia fal atë që bëri ajo. Nuk i bërtisja, por do t'i thoja s’e ke mirë këtë gjë, shiko rrugën e drejtë. S’më ka treguar kush. Asnjë s’më ka treguar fare.”, ka thënë ai.

Foshnja e braktisur u gjend në bodrumin e një pallati nga një banor i cili njoftoi autoritetet një javë më parë, më 8 nëntor. Përmes kamerave të sigurisë policia gjeti nënën e re e cila pranoi se e kishte braktisur foshnjën nga frika e paragjykimit, ndërsa foshnja ndërroi jetë një ditë më pas pasi nuk mundi t'i mbijetonte të ftohtit dhe kushteve në të cilat ishte braktisur./CNA

 

Lajmet e fundit nga