web counter
LEXO PA REKLAMA!

SHKARKO APP

App Store
Google Play

E fundit!

x

Fermë kanabisi në Britani/ Pas arrestimit një nga shqiptarët i kërkon ndjesë nënës: Më fal që të zhgënjeva

15 Nëntor 2023, 10:03, Aktualitet CNA
Fermë kanabisi në Britani/ Pas arrestimit një nga shqiptarët
Shqiptarët e arrestuar në Britani

Një fermë e madhe kanabisi e menaxhuar nga dy shqiptarë është shkatërruar nga policia në Angli.

Shqiptarët Klajdi Miraka 33 vjeç dhe Klajdi Shehu 23 vjeç janë arrestuar në flagrancë teksa ishin fshehur njëri pas frigoriferit dhe tjetri në papafingo, për të mos u pikasur nga autoritet policore.

Policia gjeti një hyrje sekrete nga dera fqinje pas një frigoriferi, ku pikasi dy shqiptarët që po kujdeseshin për fabrikën e drogës në Alnwick, Northumberland.

“Kur policia kontrolloi atje, gjeti një fermë të madhe kanabisi, me pak më pak se 600 bimë kanabis”- shkruajnë mediat britanike.

Teksa merreshin në pyetje nga policia, Shehu mohoi përfshirjen në prodhimin e kanabisit dhe tha se sapo kishte fjetur atje.

Ata nuk kanë pasur dënime të mëparshme në këtë vend, ndërsa u deklaruan fajtorë për prodhimin e kanabisit dhe secili u dënua me gjashtë muaj burg.

Ndërkohë, avokatja e Shehut, Kate Barnes ka deklaruar se ai ka mbërritur në Britani për të punuar në mënyrë të ligjshme dhe se ndihet tërësisht i penduar që përmes këtij akti ka zhgënjyer nënën e tij.

"Ai erdhi nga Shqipëria duke kërkuar të punojë në mënyrë legjitime. Ai është thellësisht i penduar që ra në veprimtari kriminale dhe e zhgënjeu nënën e tij. Ai dëshiron të kthehet në shtëpi për ta mbështetur atë."- tha avokatja.

Avokatja mbrojtëse Helen ToWers, tha për Mirakën: "Ai vuan nga apnea e gjumit, e cila kërkon oksigjen kur fle. Ishte kjo arsyeja që e bëri atë të kryente këtë vepër”./CNA





Lajmet e fundit nga