E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kryebashkiaku i Kuçovës merret i pandehur nga SPAK-u

15 Nëntor 2023, 12:11, Aktualitet CNA

Kryebashkiaku i Kuçovës merret i pandehur nga SPAK-u

Kreshnik Hajdari

Kryebashkiaku i Kuçovës, Kreshnik Hajdari, është marrë i pandehur nga Prokuroria e Posaçme. Mësohet se Hajdarit i është komunikuar akuza për falsifikimin e formularëve.

Një ditë më parë, Hajdari i shpëtoi heqjes së mandatit në Komisionin Qendror të Zgjedhjeve, ndërsa sot pozita e tij është vështirësuar me komunikimin e akuzës nga prokurorët e SPAK-ut.

Kreu i KQZ-së, Ilirjan Celibashi u shpreh se nuk ka një shkak ligjor që t'i ndërpritet mandati Hajdarit, edhe pse nuk deklaroi në formularin e dekriminalizimit, dënimin në Greqi.

"Në gjykimin dhe vlerësimin e tij dhe është logjike për çdo rast të tillë, ai nuk ka paraqitur një të dhënë të tillë për një proces penal, vendimi është penal. Kjo ka qenë e panevojshme për t'u deklaruar, nën vlerësimin e tij, kjo nuk ka rëndësi për ne. Kjo e dhënë nuk përbën, nuk përfshin atë në kushtet e ndalimit për shkak të veprës penale, ngelet diskutimi që fakti se ai nuk e ka deklaruar. Ka pasur si detyrim që ta deklaronte këtë të dhënë. Edhe në respektim të precedentëve të krijuar nga ky institucion që prej viti 2020, ne kemi mbajtur qëndrimin që nuk ka detyrim subjekti i vetëdeklaruar për të paraqitur rrethana apo shkaqe. Ky është një qëndrim i konsoliduar. Nuk ka detyrim të përfshijë të dhëna që nuk përbëjnë shkak për të kandiduar. Vlerësoj që nuk ka një shkak ligjor që kryetarit të Bashkisë Kuçovë t'i ndërpritet mandati", u shpreh Celibashi.

Pak ditë më parë, drejtësia greke i përcolli Ministrisë shqiptare të Drejtësisë, një vendim që faktonte se kryebashkiaku i Kuçovës, Kreshnik Hajdari, është dënuar nga gjykata e Janinës, ndërkohë që në formularin e vetëdeklarimit ka thënë se nuk është i dënuar.

Gjykata në Janinë e ka gjetur fajtor Hajdarin për hyrje në territorin grek në mënyrë të paligjshme dhe e ka dënuar në 23 qershor të vitit 1999 me “masë riedukuese të qortimit”.