E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Air Albania, kompania lë detyrimet pa paguar, vihet nën sekuestro për 2 ditë/ Vjen reagimi

15 Nëntor 2023, 15:14, Aktualitet CNA

Air Albania, kompania lë detyrimet pa paguar, vihet nën sekuestro

Avionët e Air Albania

Kompania "Air Albania", e komentuar pozitivisht jo pak herë nga kryeministri Edi Rama është vendosur në sekuestro për shkak të detyrimeve të papaguara, por vetëm për dy ditë.

Në Qendrën Kombëtare të Biznesnit rezulton se më datën 6 nëntor është vendosur masa e "sekuestros konservative në kuotat/aksionet e debitorit Air Albania, shpk me NIPT L821130281".

Sqarohet se është depozituar një ekzekutimi nga zyra përmbarimore "Bailiff Services Albania" për vendosjen e sekuestros konservative mbi këtë kompania me qëllim mostjetërsimin e tyre deri në shlyerjen e borxheve.

Sipas vendimit të sekuestros mbi kuotat është vendosur për llogari të Sinan Isik, ish numrit 2 të Air Albania.

"URDHËROJMË: 1-Vendosjen e masës së sekuestros konservative në kuotat aksionet epales debitore/dorezanese si dhe mbi të drejtat që rrjedhin nga zotërimi i këtyre kuotave duke ndaluar tjetërsimin dhe/ose disponimin e tyre si dhe, mos kryerjen e asnjë veprimi tjetër i cili mund të ndryshojë të dhënat në regjistrin tregtar. Dokumentacioni do të qëndrojë i bllokuar deri në një urdhër të dytë nga zyra përmbarimore “Bailiff Services Albania” sh.p.k Shoqëria "AirAlbania" sh.p.k me NIPT L82113028I 2-Për veprimet apo mos veprimet tuaja duhet të na vini në dijeni shkresërisht brenda afatit ligjor", thuhet në vendim.

Por, situata ka ndryshuar. Më 15 nëntor, ditën e sotme, në QKB rezulton se i është hequr masa e sekuestros shoqërisë "Air Albania".

Sipas QKB-së, vendimi për sekuestron është marrë në datën 6 nëntor dhe është shfuqizuar dy ditë më pas, pikërisht më 8 nëntor.

Statusi në QKB

Ka reaguar dhe vete kompania e cila ka theksuar se:

Duke marrë shkas nga interesimet mediatike rreth aktivitetit tregtar të Air Albania qartëson opinionin publik se asnjë llogari e kompanisë nuk është sekuestruar dhe çdo pohim ndryshe është një ekzagjerim i rremë i një procedure private të kompanisë me palë të treta përmbaruese.

Kjo lloj procedure shfaqet rregullisht në sektorin tregtar dhe nuk ka ndonjë ndikim të drejtpërdrejtë në punën tonë të përditshme.

Air Albania mbetet e përkushtuar për të ofruar një përvojë të shkëlqyer udhëtimi me oferta të dedikuara dhe me komoditet të plotë për pasagjerët./CNA