E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

GJKKO: Beqaj ka më shumë shkelje se Rrapaj e Rrjepaj, i shkaktoi më shumë se 8 miliardë lekë dëm shtetit

24 Nëntor 2023, 12:05, Aktualitet CNA

GJKKO: Beqaj ka më shumë shkelje se Rrapaj e Rrjepaj, i shkaktoi

Ish-ministri i Shëndetësisë, Ilir Beqaj

Gjykata e Posaçme ka kundërshtuar prokurorin e SPAK-ut, Edvin Kondili, i cili dha pretencën "detyrim paraqitje" dhe "ndalim i daljes jashtë shtetit" për ish-ministrin e Shëndetësisë, Ilir Beqaj, i cili është nën akuzë dhe nën hetim për aferën me sterilizimin.

Gjykata deklaron se Kondili duhet të jepte një masë sigurie më të rreptë për Beqajn, pasi ky i fundit nuk akuzohet vetëm për shpërdorim detyre, por edhe për falsifikimin e vulave, stampave dhe formularëve, duke rrezikuar kështu deri në 7 vite burg.

Në një vendim të zbardhur prej rreth 300 faqesh, deklarohet se ish-ministri ka kryer më shumë shkelje se vartësi i tij Klodian Rrjepaj (ish-zv.ministri i Shëndetësisë) dhe biznesmeni Ilir Rrapaj.

“'Rëndësia e faktit' dhe 'sanksionit që mundë të caktohet' parashikuar nga neni 229 i K.Pr.Penale për personin nën hetim I.B. të jetë më madhe nga ajo e vlerësuar nga prokuroria. Masat e kërkuara nga prokuroria për personin nën hetim I.B. konkretisht 'Ndalimi i daljes jashtë shtetit' dhe 'Detyrim për t’u paraqitur në policinë gjyqësore' parashikuar nga nenet 233 dhe 234 i K.Pr.Penale, Gjykata i konsideron jo proporcionale në raport me rrezikshmërinë e theksuar të faktit, pasojave që kanë ardhur në rastin konkret dhe mënyrës se si ka vepruar personi nën hetim në procedurën e kon?esionit. Roli, përgjegjësia dhe intesitetit i shkeljeve të kryera nga personi nën hetim I.B. është më i madh se i personave nën hetim K. R. dhe I.R. për të cilat prokuroria ka kërkuar masën e sigurimit 'Arrest në burg' parashikuar nga neni 238 i K.Pr.Penale. Rrezikshmëria e autorit lidhet me rrezikshmërinë e veprës. Në rastin konkret, Gjykata mban parasysh faktin se vepra penale është kryer në rrethana rënduese sikurse është kryerja e veprës penale 'duke shpërdoruar funksionin publik' dhe e kryer në 'bashkëpunim' parashikuar nga neni 50 germa 'dh' dhe 'gj' të Kodit Penal”, thuhet në vendim.

GJKKO thekson se Beqaj mund t’i ketë shkaktuar një dëm kolosal prej më shumë se 8 miliardë lekësh buxhetit të shtetit.

“Pra, ekziston dyshimi i arsyeshëm se me dashje Ilir Beqaj” i ka shkaktuar buxhetit të shtetit një dëm në vlerën 8 697 000 000 Lekë (9 657 000 000 – 960 000 000). Kjo është pasoja duke prezumuar që vlera e kontratës do të ishte aq sa është njoftuar fillimisht në fillim të procedurës, pasi gjatë zhvillimit të procedurës vlera e kontratës ndryshoj nga vlera totale në shumën 9, 657, 000, 000 (pa TVSH) në një vlerë indikative, ku nuk dihet se sa do të jetë konsto e kon?esionit në përfundim të afatit 10-vjeçar”, nënvizohet në vendim./ CNA