LEXO PA REKLAMA!

SHKARKO APP

E fundit!

x

Foto – Rama në festë me Dorian Duçkën

25 Janar 2023, 19:39, Aktualitet CNA
Foto – Rama në festë me Dorian Duçkën
Kryeministri Edi Rama

Kryetari i Partisë Demokratike, Sali Berisha ka publikuar pak më parë një foto të kryeministrit Edi Rama me Dorian Duçkën, të aluduarin si personi B në dosjen e ish-zyrtarit të arrestuar të FBI-së, Charles McGonigal.

Rama dhe Duçka, ish-këshilltari i tij, shihen në praninë e njëri-tjetrit në një festë, duke bërë foto.

“Me Dor Duçkën, sekserin mafioz universal!”, shkruan Berisha.

Ndërkohë, kujtojmë se më parë, kreu i demokratëve ka ngritur akuzat se Rama dhe Duçka kanë lidhje me zyrtarin e lartë të FBI-së që u arrestua në SHBA.

Charles McGonigal akuzohet se ka ndihmuar oligarkët rusë, si dhe ka marrë 225 mijë euro ryshfet nga një ish-zyrtar i inteligjencës shqiptare në vitin 2017, para se të dilte në pension.

Në një aktakuzë të veçantë me nëntë pika, McGonigal akuzohet se shifrën e konsiderueshme e ka marrë në dorë në këmbim të promovimit të interesave të biznesit të ish-agjentit shqiptar, i cili ka marrë shtetësinë amerikane dhe jeton në Nju Xhersi.

Në dosjen e Charles McGonigal flitet për një person A dhe një person B, që aludohet se janë Agron Neza dhe Dorian Duçka./ B.A. – CNA.al

Foto – Rama në festë me Dorian Duçkën

Lajmet e fundit nga