LEXO PA REKLAMA!

SHKARKO APP

Rama pranon njohjet me Nezën dhe Duçkën/ Agronin e kam takuar me ish-zyrtarin e FBI-së

25 Janar 2023, 18:05, Aktualitet CNA
Rama pranon njohjet me Nezën dhe Duçkën/ Agronin e kam takuar
Kryeministri Edi Rama

Kryeministri Edi Rama ka pranuar njohjet me Agron Nezën dhe Dorian Duçkën, të cilët përfliten se janë personat A dhe B në dosjen e ish-zyrtarit të arrestuar të FBI-së, Charles McGonigal.

Rama tha se me Agron Nezën nuk ka pasur raport miqësor, por konfirmoi se e ka takuar në prani të ish-zyrtarit të FBI-së.

Përsa i përket, Duçkës, kreu i qeverisë deklaroi se ka qenë zv.ministër i Energjetikës në koalicionin e vitit 2013 dhe ka punuar pa pagesë për një periudhë kohore pranë tij.

“Absolutisht asnjë konkluzion. Përmendjet lexojini mirë sepse aty nuk përmendet absolutisht një gjë e tillë, aty thuhet se çfarë thotë njëri dhe çfarë thotë tjetri. Ndërkohë që vetë hetuesit thonë një gjë tjetër, që hetimet kanë përfunduar, ka një të akuzuar për mosdeklarim dhe konflikt interesi në raport me mikun e tij shqiptaro-amerikan nga Tropoja, të cilin unë e kam takuar në takimin me të dhe me të cilin nuk kam pasur asnjë lloj lidhje tjetër përveç këtij raporti miqësor dhe këtyre shkëmbimeve krejtësisht pa asnjë interes tjetër me zyrtarin e lartë të FBI-së.

Fola për zotin Agron, i cili e përsëris vjen nga Lëvizja Demokratike, shumë i afërt i të ndjerit Azem Hajdari, fis me Besnik Mustafajn, njerëz të nderuar pa diskutim, të cilin nuk e kam njohur më parë asnjëherë dhe me të cilin nuk kam shkëmbyer as letra, as interesa dhe asgjë tjetër, por e kam takuar vetëm në praninë e zyrtarit të lartë të FBI-së.

Për sa i përket personit tjetër, ka qenë zv.ministër i Energjetikës në koalicionin e vitit 2013 dhe pastaj për një farë kohe ka punuar pranë meje pa pagesë”, theksoi Rama./ B.A. – CNA.al

Lajmet e fundit nga