web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutimi i 62-vjeçarit/ Berisha: Mund të shmangej, thirrja për Avokatin e Popullit

12 Gusht 2023, 12:54, Aktualitet CNA

Ekzekutimi i 62-vjeçarit/ Berisha: Mund të shmangej, thirrja

Ish kryeministri Sali Berisha ka komentuar ngjarjen në Maliq, ku 62-vjeçari pasi shkëmbeu zjarr me forcat RENEA dhe nuk iu përgjigj thirrjeve për tu dorëzuar u ekzekutua.

Berisha e ka quajtur këtë një vrasje e cila sipas tij mund të shmangej ndërsa i ka bërë thirrje Avokatit të Popullit të nisë menjëherë hetimin.

Më tej, Berisha ka komentuar edhe reagimin e Ballës i cili përgëzoi policinë për kryerjen e detyrës, duke e quajtur cinik dhe se inkurajon dhe nxit vrasjet nga policia.

“Vrasja e personit me probleme me shëndetin mendor duhej të shmangej. Taulant Bego etj… etj…, nxit vrasjet nga policia.

Të dashur miq, policia ekzekuton Ramiz Muçollarin në papafingon e shtëpisë së tij. Ajo flet për shkëmbim zjarrin në papafingo, pretendim jo bindës!

Muçollari i cili vuante nga shëndeti mendor kishte plagosur më parë gruan dhe djalin me thikë e sende të forta dhe sigurisht ai duhet të dorëzohej. Ai nuk mund të kërcënonte në asnjë rrethanë jetën e policëve. Por cinike dhe kriminale është përgëzimi i Ballës i policëve për vrasjen e tij. Ai plagosi, por nuk mori jetë njeriu.

Duke ditur dhe problemet me shëndetin mendor të viktimës durimi më i madh në rrethim duhej treguar, para se të hynin në papafingo dhe të shkrehnin breshëritë mbi trupin e tij.

Ju uroj shërim të shpejtë gruas dhe djalit të plagosur, dënoj ekzekutimin e tij në rrethana të dyshimta dhe dënoj fort, përgëzimin e Taulant Bego etj., etj., për vrasjen nga policia të një të sëmuri të strukur në papafingon e shtëpisë së tij. I bëj thirrje Avokatit të Popullit të nisë menjëherë hetimin për këtë vrasje të parandalueshme dhe ndaj Ballës ëe me përgëzimin e tij cinik ekstrem, inkurajon dhe nxit vrasjet nga policia”, tha Berisha./ CNA





Lajmet e fundit nga