web counter
LEXO PA REKLAMA!

SHKARKO APP

App Store
Google Play

E vërteta e Klotilda Bushkës në gjyqin ndaj Veliajt

3 Prill 2026, 18:19, Aktualitet CNA

Sot në Gjykatën e Posaçme është zhvilluar seanca gjyqësore ndaj të pandehurit, kryetarit të Bashkisë Erion Veliaj dhe 28 personave të tjerë si bashkëpunëtorë të tij.

Ajo që bie në sy është një kërkesë e paraqitur nga avokati Erik Ligori për të akuzuarën Klotilda Bushka.

Avokati Ligori ka konfirmuar kërkesën për gjykim të shkurtuar dhe kërkon ndarjen e çështjes duke thënë se Gjykata e Posaçme ka moskompetencë dhe duhet çuar në një tjetër gjykatë, pasi Klotilda Bushka nuk është më deputete.

“Për të pandehurën Klotilda Bushka, e mbrojtura prej nesh që në fazën e hetimit paraprak, nuk e ka pranuar akuzën dhe e ka cilësuar si të pambështetur në prova dhe fakte. Gjyqtari i seancës paraprake e kaloi çështjen për gjyq, ne kemi kërkuar pushimin e çështjes në atë proces. Së pari pari konfirmojmë kërkesën për gjykim të shkurtuar, kërkojmë ndarjen e çështjes dhe moskopetencën lëndore të kësaj gjykate dhe dërgimin e çështjes në një tjetër gjykatë. Ne kemi sjell një dokument që Bushka nuk është më deputete”, është shprehur avokati.

Si qëndron e vërteta e Klotilda Bushkës?

Vepra penale e konsumuar nga Klotilda Bushka është kryer në momentin kur ajo ka qenë kryetare e Komisionit të Ligjeve, jo vetëm deputete.

Së dyti, çështja është e lidhur pasi Klotilda Bushka ka prishur provat e kësaj çështjeje, pra të çështjes së Erion Veliaj. Sot SPAK, pra prokurorët, nuk e kanë në dorë telefonin e Ina Goxhajt, ku mund të zbulonin të tjera komunikime midis saj e Ajola Xoxës.

Por, kanë një telefon tjetër. Në atë kohë SPAK-u e provoi se si Klotilda Bushka i mori telefonin Ina Goxhajt dhe i dha një telefon më të ri duke e zhdukur një provë, e cila lidhej direkt me Ajola Xoxën, bashkëshorten e kryebashkiakut të Tiranës.

Dhe këtë vepër penale, Klotilda Bushka e ka konsumuar në lidhje me këtë dosje gjatë kohës që ka qenë kryetare e Komisionit të Ligjeve.

Tani, Bushka dhe avokati i saj thonë që nuk është më deputete. Pra, në qoftë se vret kur je deputet, mund të gjykohesh nga GJKKO-ja.  Kur nuk je deputet, duhet të gjykohesh nga një gjykatë tjetër.

Kur vjedh kur je deputet, do të gjykohesh nga GJKKO, ndërsa kur vjedh po nuk je deputet se ke humbur mandatin, nuk mund të gjykohesh më nga GJKKO. Këto janë veprimet e Klotilda Bushkës dhe mbrojtësve të saj ligjorë. /CNA





Lajmet e fundit nga