web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 17 prillit/ Berisha: Pa ndëshkimin e Ramës, nuk ka anëtarësim në BE

3 Prill 2026, 15:25, Aktualitet CNA

Protesta e 17 prillit/ Berisha: Pa ndëshkimin e Ramës, nuk ka

Kryetari i Partisë Demokratike, Sali Berisha, ka deklaruar se pa u larguar nga pushteti kryeministri Edi Rama, Shqipëria nuk mund të bëjë hapa para në procesin e anëtarësimit në Bashkimin Europian.

Në një konferencë për media të dhënë këtë të premte, Berisha shprehet se numri i vendeve që kundërshtojnë IBAR-in është gjithnjë e në rritje, duke shprehur pakënaqësine e tyre ndaj progresit që ka pasur Shqipëria në luftën kundër korrupsionit dhe krimit të organizuar.

“IBAR për Malin e Zi është votuar me unanimitet.  Së dyti, për Shqipërinë absolutisht nuk është votuar. Nuk është votuar dhe sipas atij njoftimi, janë jo një, por disa vende të cilat nuk kanë pranuar të votojnë IBAR-in, i cili miratohet me unanimitet, janë disa vende. Është absolutisht e pavërtetë se është votuar. Por këta kanë një gjë, këta kanë zgjedhur mashtrimin për të gjitha problemet. Dhe po sipas zëdhënësit të BE-së, asnjë kapitull nuk mund të mbyllet, pa u votuar unanimisht IBAR. IBAR është i ndërmjetëm. Ky votim që bëhet për IBAR-in është i ndërmjetëm, por pa këtë vendim, asnjë kapitull nuk mbyllet”, u shpreh Berisha.

Kreu demokrat, Berisha, në përgjigje të pyetjes për shkarkimet e brendshme në PD tha se anëtarët mund të ankohen nëse ka pasur një largim të padrejtë, ndërsa thekson se ato që kanë punuar me kundërshtarët nuk kanë vend në Partinë Demokratike.

“Çdo i përjashtuar ka të drejtën e ankimit, por kushdo që ka punuar me kundërshtarin, nuk ka vend në PD”, u shpreh ai.

Berisha u bëri thirrje qytetarëve që të bashkohen në protestën e 17 prillit si një mundësi për të larguar nga pushteti kryeministrin Edi Rama dhe kabinetin e tij qeveritar.  /CNA

 





Lajmet e fundit nga