web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në Tiranë/ Ilir Alimehmeti thyen heshtjen, reagon për CNA

3 Prill 2026, 13:44, Aktualitet CNA

Zgjedhjet në Tiranë/ Ilir Alimehmeti thyen heshtjen, reagon për

Emri i mjekut Ilir Alimehmeti mbetet një nga më të lakuarit e opozitës për garën e Bashkisë së Tiranës në vitin 2027, veçanërisht pas mbetjes së tij jashtë Parlamentit në zgjedhjet e 11 majit 2025, që i ka dhënë atij "duart e lira" për t’u fokusuar te kryeqyteti.

Në një reagim për CNA, Alimehmeti ka sqaruar pozicionin e tij pas ripozicionimit të forcave politike. Ai ka bërë të qartë se asgjë nuk do të jetë e njëanshme, duke kërkuar fillimisht një linjë zyrtare nga lidershipi i Partisë Demokratike.

Alimehmeti theksoi se përpara se të flitet për emra konkretë, PD duhet të përcaktojë rrugën që do të ndjekë në shkallë kombëtare për zgjedhjet vendore.

"Fillimisht do të duhet të presim një vendimmarrje në forumet e larta drejtuese të PD për qasjen dhe strategjinë politike ndaj zgjedhjeve vendore të vitit të ardhshëm në shkallë kombëtare, përfshirë këtu edhe metodën e përzgjedhjes së kandidatëve", deklaroi ai për CNA-në.

Ndonëse nuk e konfirmoi drejtpërdrejt kandidaturën, anëtari i Këshillit Kombëtar të Partisë Demokratike u shpreh i gatshëm për të dhënë kontributin e tij në përputhje me vendimet e partisë.

"Më pas, brenda vendimeve të marra nga forumet drejtuese, personalisht do të bëj maksimumin e mundshëm për forcën tonë", u shpreh Alimehmeti për CNA.

Ky reagim vjen në një moment kyç, kur opozita po analizon nëse do të shkojë drejt një procesi të ri primaresh apo do të kërkojë një figurë konsensuale për të sfiduar kandidatët e mazhorancës në "betejën” për Tiranën. /CNA 





Lajmet e fundit nga