web counter
LEXO PA REKLAMA!

SHKARKO APP

App Store
Google Play

E fundit!

x

“Çdo bashki të ketë zyrë të ndihmës juridike për kadastrën”/ Porosia e Ramës për kryebashkiakët

3 Prill 2026, 15:49, Aktualitet CNA

“Çdo bashki të ketë zyrë të ndihmës

Në takimin e sotëm me kryebashkiakët, kryeministri Edi Rama u shpreh se ka shumë probleme me Kadastrën. Rama u shpreh se është e nevojshme që çdo bashki të hapë një zyrë të ndihmës juridike për kadastrën. Ai u shpreh se kjo do të sjellë lehtësira edhe për qytetarët.

“Kadastra, në bashkëpunim me çdo bashki, por këtu duhet angazhimi juaj, të ndërtojë planet prioritare të legalizimit. Në mënyrë që të legalizojmë procesin dhe ta bëjmë më të drejtë e transparent për aplikuesit duke vendosur një sistem ku ata që kanë aplikuar më parë janë të parët për të marrë përgjigje, po ashtu përcaktimi i zonave prioritare. Të kemi një punë të përbashkët dhe të koordinuar më të mirë. Duhet patjetër që bashkitë të hapin një zyrë të ndihmës juridike për kadastrën. Ka shumë ankesa për kadastrën, por shumë prej tyre vijnë nga moskryerja e aplikimit në mënyrë të rregullt ligjore. Nuk ka asnjë problem që bashkitë të hapin një zyrë të ndihmës juridike enkas për shërbimin e kadastrës dhe legalizimeve. Është diçka që do të lehtësojë maksimalisht qytetarët në mënyrën e kuptimit se si bëhet një legalizim. Këtë do ta ndjekë ministri i Pushtetit Vendor”, tha Rama.

Ndërkohë bëhet me dije se kreu i qeverisë u ka kërkuar kryebashkiakëve që të identifikojnë shtëpitë e vjetra që duhet të kthehen në muze. Kjo, sipas tij, do të ndihmojë në rritjen e turizmit në vend.

“Në çdo bashki, në shumicën dërrmuese të tyre të paktën, ka shtëpi me vlera të rëndësishme për trashëgiminë kulturore që janë të pabanuara apo në rrënim e sipër. Ajo që po bëjmë me Ministrinë e Kulturës është marrje e tyre nga shtëpi dhe shpronësimi i tyre për t'i muzealizuar më pas. Angazhohuni e përcaktojini si kandidatura për të hyrë në këtë proces, ndajini me ministrin e Kulturës për të klasifikuar vlerat e tyre dhe planifikoni se për çfarë mund të muzealizohen. Kemi shumë gjëra që mund të ekspozojmë, jemi një vend që ka në zemrën e aktivitetit të tij turizmin. Duhet të rrisim aksionet. Kur na pyesin cila është pija tradicionale shqiptare ne themi është rakia. Por nuk kemi një muze për rakinë, verën apo vajin e ullirit, të cilat i kemi në disa variante”, tha ai.

Takimi i Ramës me kryebashkiakët vjen në kuadër të turit kombëtar të socialistëve. PS ka intensifikuar takimet me qytetarët dhe në fokus përveç analizave të punëve të përditshme, janë edhe zgjedhjet vendore, të cilat do të mbahen në vitin 2027.  /CNA





Lajmet e fundit nga