LEXO PA REKLAMA!

SHKARKO APP

App Store
Google Play

Drejtoresha e INSTAT zbulon detajin/ Si do të aplikohet gjoba në rast të mospërgjigjes së anketimit

18 Shtator 2023, 14:20, Aktualitet CNA

Drejtoresha e INSTAT zbulon detajin/ Si do të aplikohet gjoba në rast

Drejtoresha e INSTAT, Elsa Dhuli ka bërë me dije se deri më tani procesi i Censit të popullsisë po shkon sipas pritshmërive.

Procesi ka vijuar në orën 08:00 dhe grupet e anketuesve kanë dalë në terren për të filluar intervistat.

Ajo thekson se në rastin ku familjarët nuk ndodhen në shtëpi anketuesi do të lërë një letër njoftuese në derë për vizitën.

“Po shkon sipas pritshëmrive. Procesi ka filluar në orën 8 të mëngjesit. Grupet e anketuesve kanë dalë në terren, kanë filluar intervistat e para dhe po e ndjek edhe unë vetë personalisht procesin me shumë interes. Në rast se familja nuk ndodhet në momentin që anketuesi troket në derë ai do t’i lejë një letër njoftuese tek dera për vizitën. Do të jenë 5240 anketues, por gjithë stafi i cili do të monitorojë njëkohësisht gjithë procesin do të jenë 7500 persona”,ka thënë Elsa Dhuli, drejtoresha e INSTAT.

E pyetur se në rastet ku asnjë familjar nuk i përgjigjet pyetjes për shkak se nuk ndodhet në shtëpi, gjobitet vetëm kryefamiljari apo të gjithë anëtarët e familjes, drejtoresha e INSTAT ka shpjeguar se do të gjobitet vetëm kryefamiljari.

“Pas të gjitha përpjekejve që stafi do të bëjë për të ndërgjegjësuar qytetarët duhet të bëjmë me dije se gjithë aktiviteti mbështetet mbi bazë ligjore. Është e detyrueshme përgjigjia e pyetësorit. Nuk përmenda të gjithë familjen.”, ka thënë Dhuli./ CNA

Lajmet e fundit nga