web counter
LEXO PA REKLAMA!

SHKARKO APP

App Store
Google Play

E fundit!

x

Braçe: Banka e Shqipërisë të forcojë luftën kundër pastrimit të parave

13 Korrik 2026, 13:48, Aktualitet CNA

Deputeti i PS-së, Erion Braçe, kërkoi në Kuvend që Banka e Shqipërisë të forcojë masat kundër pastrimit të parave dhe të rrisë mbikëqyrjen ndaj institucioneve financiare.

Braçe theksoi se para të pista kanë hyrë në treg përmes zyrave të këmbimit valutor dhe është detyrë e Bankës të forcojë kontrollin.

Sipas deputetit, të njëjtën gjë duhet të bëjë edhe me sistemin bankar, duke forcuar mbikëqyrjen ndaj institucioneve financiare.

“Që prej shkurtit të këtij viti jemi në kushte të tjera. Lufta në Gjirin Persik ka vënë kushte në tregje. Inflacioni është në rritje, i ndikuar nga çmimet e ushqimeve, pijeve alkoolike, naftës dhe gazit. Vetëm në dy javët e fundit kemi parë abuzime të forta në tregun e hidrokarbureve, me ulje dhe më pas rritje të çmimeve. Banka duhet të bëjë ciklin e saj, por duhet të ndihmohet nga ekonomia. Baza e gjerë ekonomike duhet të jetë fokusi jo vetëm i qeverisë, por edhe i Bankës së Shqipërisë. Të forcojë luftën dhe rregullat kundër pastrimit të parave në treg. Para të pista kanë hyrë në treg përmes zyrave të këmbimit valutor dhe është detyrë e Bankës të forcojë kontrollin. Të njëjtën gjë duhet të bëjë edhe me sistemin bankar, duke forcuar mbikëqyrjen ndaj institucioneve financiare”, deklaroi Braçe./ CNA





Lajmet e fundit nga