web counter
LEXO PA REKLAMA!

SHKARKO APP

App Store
Google Play

E fundit!

x

Personi kyç i Ajola Xoxës/ Ish-financierja zbrazet në GJKKO

13 Korrik 2026, 12:12, Aktualitet CNA

Personi kyç i Ajola Xoxës/ Ish-financierja zbrazet në GJKKO

Sot në Gjykatën e Posaçme u mbajt seanca ndaj ish-financiares së Ajola Xoxës, e cila është bërë e penduar e drejtësisë, Adela Kondakçi, ish-policit të burgjeve, Fatjon Baçi, si dhe të pandehurve të tjerë që u ndanë nga dosja “Veliaj”. 

Avokati i ish-financieres së Ajola Xoxës, Adela Kondakçi, ka deklaruar para gjykatës se klientja e tij ka shkelur ligjin, duke theksuar se ka qenë e shtyrë dhe e ndikuar nga urdhrat e Ajola Xoxës, bashkëshortes së kryebashkiakut të arrestuar të Tiranës, Erion Veliaj, i cili ndodhet në burg për 13 akuza të rënda penale.

Avokati ka nënvizuar se Kondakçi ka ndihmuar në zbardhjen e së vërtetës për organet e drejtësisë.

“Jo vetëm që nuk ka përfituar, por është vënë në dispozicion të drejtësisë dhe ka pasur kosto për transparencën e saj. Ka ndihmuar në zbardhjen e së vërtetës për organet e drejtësisë”, u shpreh ai.

Adela Kondakçi është kthyer në të penduarën e drejtësisë, ku ka rrëfyer detaje nga skemat korruptive dhe mënyrën se si funksiononin OJF-të e Xoxës.

Seanca e sotme është shtyrë pasi avokatët kërkuan kohë të plotësojnë konkluzionet dhe e radhës do të mbahet më 23 korrik. / CNA





Lajmet e fundit nga